«Алдаша»: Җырчы Алсу аерылышканда иренең зур сумма түләве турындагы сүзләрне кире какты
Эшмәкәр Ян Абрамов белән аерылышкан җырчы Алсу милек бүлешү мәсьәләсендә иренең юмартлыгы турында сүзләрне кире какты. Эшмәкәр, янәсе, аңа һәм балаларына 2,5 миллиард сумлык активларын тапшырырга вәгъдә иткән. «Peopletalk» басмасының Инстаграм* битендәге бу турыдагы язмага Алсу «Ялганлый» дип бер генә сүз язган, дип хәбәр итә LIFE сайты.
«Бу дөреслеккә туры килми, күрәсең, моны элекке иремнең бозылган абруен коткару өчен, аның пиарщиклары чыгаргандыр», – дип өстәгән соңрак җырчы.
Май ахырында Алсу ире, эшмәкәр Ян Абрамов белән аерылышырга гариза язды. Алар 18 ел бергә яшәгән, 3 балалары бар, төпчекләренә – 7 яшь. Якынча мәгълүматлар буенча, аерылышу сәбәбе – иренең даими хыянәт итүе. Бүген Мәскәүнең Пресненский районы мировой суды аларга дуслашырга 2 ай вакыт биргән. Абрамов вәкиле сүзләренчә, бу хакта дәгъва белдерүче дә, җавап бирүче як та ходатайство биргән. Шулай ук судта эшмәкәр Алсуга һәм балаларына 2,5 миллиард сумлык активларын, шул исәптән Кипрдагы вилласын тапшырырга әзер булуын әйткән. Киләсе утырышы 27 августка билгеләнгән.
Инстаграм* – Россиядә тыелган социаль челтәр.