Җырчы Айгөл Бариева социаль челтәрдәге сәхифәсендә яңа образда беренче тапкыр чыгыш ясавын белдерде. Ул алдан зур үзгәрешләр көтелүен, «сез башка Айгөлне күрәчәксез» дип хәбәр иткән иде.
«Бүген беренче тапкыр менә шулай эшлим. Дөресен әйтәм, бик борчылдым. Минем өчен бу – бик җаваплы, бөтен нечкәлекләренә кадәр уйладым. Исламның барлык кешеләр өчен матур һәм якты булуын телим.
Әлһәмдүллиләһ, Аллаһы Тәгалә көч бирде. Яңа вазифада бүген беренче тапкыр чыгыш ясадым», – дип хис-кичерешләре белән уртаклашкан җырчы.
Җырчы матур образ турында сораулар күп булачагын уйлап, «бу матур абайяны Мәккәдән алып кайттым» дип тә язган.
Айгөлнең иҗатын һәм тормышындагы үзгәрешләрне күзәтүчеләр яңа образның килешле булуын һәм соклануларын белдергән.
Фото: Айгөл Бариеваның социаль челтәрдәге сәхифәсеннән
