Салават Фәтхетдиновның туганнан туган энесе, җырчы Айдар Фәтхетдинов вакытсыз гүр иясе булган сеңелләре Лилияне социаль челтәрләрдә искә алган.
«Бүген сиңа 44 яшь тулган булыр иде, Лилия сеңлем. Тыныч йокла, урыннарың җәннәт түрләрендә булсын! Юксынабыз, сагынабыз, онытмыйбыз», – дип язган ул.
Фәтхетдиновларның сеңелләре быел гыйнвар аенда үпкә чиреннән вафат булды. Лилия җәй буе ютәлләп йөреп, хәле авырлашкач кына хастаханәгә мөрәҗәгать итә. Ләкин ул вакытта соң була инде. Аның гомере өчен бик нык көрәшсәләр дә, табиблар Лилиянең коткарып кала алмый. Бу турында мәрхүмәнең туганнары, дуслары биредә сөйләгәнәр иде.
Лилияне туган авылы Тәтешле районы Аксәет зиратына җирләделәр. Аның 2 улы ятим калды.
Фото: © социаль челтәрләр