Юмор остасы Әбри Хәбриев өченче тапкыр әти булган. Артист куанычы белән уртаклашып:
«Рәсми рәвештә котлый һәм тәбрикли аласыз. 2024 елның 3 гыйнварында, кичке сәгать 7дә без өч бала әтисе һәм әнисе булдык. Әнисенә бик зур рәхмәт. 3 килолы кыз бала алып кайттык.
Без бернинди гендер-патилар ясап тормадык. Һәм тагын бер факт – баланың җенесен белми идек. УЗИларда әйтмәскә куштык. Бүген генә белдек. Без хәзер – өченче бала һәм икенче кыз әти-әнисе. Исем таба алмыйбыз әле, дөресен әйткәндә», – дип сөйләгән социаль челтәрләрендә.
Юмор остасы хатыны Гөлчәчәк белән бер ул һәм кыз тәрбияли.
Әбри Хәбриевның гаиләсен чын күңелдән тәбрик итәбез!
