3 яшьлек бала шырпы белән уйнау аркасында янгында һәлак булган

Апас районы Шәмәк авылында янгын булуы хакында хәбәр иткән идек. Янгында өч яшьлек бала һәлак була.

Малайның әнисе мунчага кер юарга китә, баланы өстеннән бикли. Малай шырпы белән уйный, нәтиҗәдә янгын чыга. Малайның әтисе өйгә кайтканда, йортны төтен чолгап алган була. Малай ишек төбендә аңсыз хәлдә яткан була. Ул урамга чыгарга теләгән, әмма ишек бикле булу сәбәпле чыга алмаган дип фаразлыйлар. Әти-әнисе баланы коткарырга тырыша, әмма ул төтеннән һәм ис тиеп агуланудан һәлак була. 

Министрлык шырпы белән сак эш этү кирәклеге хакында аңлату эшләре алып бару кирәклеген искәртә.