26 яшьлек Елизавета Арзамасова белән 47 яшьлек Илья Авербухның баласы булачак
Актриса бу яңалык белән инстаграмдагы битендә уртаклаша.
«Папина дочки» сериалында уйнаган 26 яшьлек Елизавета Арзамасова 47 яшьлек фигуралы шуу тренеры Илья Авербухның баласы булачак. Бу турыда актриса үзе хәбәр итә.
«Игътибарлы күзәтүчеләр белеп алганчы, шатлыгыбыз белән уртаклашабыз. Барыгызга да яхшы көннәр, бер-берегезне саклагыз», — дип язган актриса.
Боз мюзикллары продюсерының бу икенче баласы булачак. Аның фигуралы шуу остасы Ирина Лобачевадан 17 яшьлек улы Мартин бар.
Инстачылар ир белән хатын арасында 21 яшь аерманың күп булуын яза: «Матур пар, әмма яшь аермасы зур», «Бу парга биш, ун елдан соң карарбыз. Лизаның бик матур вакыты, ә ире бабай булачак».
«Илья Авербух спортчы, сәламәт яшәү рәвеше алып бара, ул 60 яшьтә дә егетләр кебек булачак әле», — дип җавап язган икенчеләре.
Актриса белән элеккеге фигуралы шуу остасының өйләнешүләре турында язган идек.
