Табигатькә чыккач әзерләү өчен 10 тәмле ризык рецепты

11 август 2017

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Энҗе НОГМАНОВА әзерләде
Табигатькә чыгып ял итү – пикниклар сезоны башланды. Гадәткә кергән шашлык, уха, бәрәңгедән тыш тагын ниләр әзерләргә була?
Табигатьтә тәмле һәм җайлы әзерләнүче ризыкларны барлыйбыз.

№1. Шубалы сосискилар. 2 йомырканы туглап, 1 аш кашыгы томат пастасы һәм каймак өстибез. 2 аш кашыгы он, тоз һәм тәмләткечләр салып яхшылап болгатабыз. Озын агач шпажкаларга 6-8 сосиска тезәбез һәм әзерләгән шушы сыек камырга батырып алабыз. Бөтен ягын да әйләндереп, күмер өстендә кыздырабыз.



№2. Диетада булучы якыннарыгыз өчен менә дигән ризык: күркә итеннән шашлык. 5-6 тырнак сарымсакны сыттырып, 3 аш кашыгы сыек май, аджика, паприка, тозны бергә болгатабыз. 2 кг күркә филесын 3-4 см кубиклар рәвешендә турап шушы маринадта 2 сәг. тотабыз. Итне шампурларга тезгәндә яшелчәләр белән аралаштырырга да була. Күмер өстендә әзер булганчы кыздырып алабыз.



№3. Шашлык өчен яхшы гарнир. Пекин кәбестәсе, 8-10 сабак туралган укроп һәм петрушка, 2 кыяр, 150 гр шпинат турап бөтесен бергә тоз һәм зәйтүн мае белән болгатабыз. Витаминлы, яшел тәмле салат әзер!



№4 Яшелчәләрдән салават күпере. Грильдә әзерләнгән яшелчәләр – табигатьтә тамак ялгап алу өчен бик яхшы ризык. 2 тырнак сарымсакны ваклап турыйбыз. 250 мл томат согын, 4 аш кашыгы соя соусы, зәйтүн мае, лимон согы белән кушып болгатабыз. Кабачки, баклажан, кишер, төсле кәбестәне зур кисәкләр белән турыйбыз. Яшелчәләрне 2 сәг. томат суында маринадлагач, күмер өстендә рәшәткәдә пешереп алабыз.



№5. Кетердәп кызган канатлар. 3 чәй калагы горчица, 50 гр бал, 200 мл сливки, 2 аш кашыгы зәйтүн мае, 1 чәй калагы карри, 1 чәй калагы тозны яхшылап болгатабыз. 1 кг тавык канатларын 1 сәг. шушы маринадта калдырабыз. Күмер өстендә рәшәткәдә, алтынсы-көрән төскә кергәнче кыздырабыз. Кетердәп торучы бу тавык канатлары беркемне дә битараф калдырмас!



№6. Сыер итеннән стейк. Тимьян, шалфей, розмарин тәмнәткечләрен ваклап турыйбыз. Шуңа сыттырылган яшь сарымсак, тоз, борыч, 3 аш кашыгы зәйтүн мае кушып болгатабыз. Зур формага стейк формасында киселгән 5-6 сыер ите салып, алар өстенә маринад агызып өстен пленка белән каплыйбыз һәм 1 сәг кә калдырабыз. Мангалда һәр ягын 8-10 мин кыздырып табынга бирәбез.



№7. Кояш сыман семга. Мангалда пешерелгән балык бик тәмле килеп чыга. 6-8 кисәк семга балыгын эре диңгез тозы һәм борыч белән ышкыйбыз һәм лимон согы сибәбез. Һәр кисәкнең янына лимон кисәге һәм туралган петрушка куеп фольгага төрәбез, ярты сәг суыткычта маринадлыйбыз.Фольгадан алмыйча гына 20-25 мин, әйләндереп, күмер өстендә рәшәткәдә пешерәбез. Бик хуш исле, тәмле балык әзер.



№8. Күмер өстендә пешкән креветкалар пикник өчен менә дигән табыш. 2 аш кашыгы балны, 1 аш кашыгы бальзамик уксус, 1 аш кашыгы зәйтүн мае белән болгатабыз. Шунда ук 1 чәй калагы кунжут, тоз, борыч салабыз. 1 кг чистартылган креветкаларны маринадка салып, 2 сәг суыткычта тотабыз. Креветкаларны шпажкаларга кертеп һәр ягын 1-2 мин кыздырып алабыз.



№9. Люля кебаб. 1 кг сарык түшкәсеннән әзерләнгән фарш, 100 г шакмаклап туралган суган, 100 г ваклап туралган яшел суганны тоз, борыч, башка тәмләткечләр кушып яхшылап болгатабыз. Мөһим момент: фаршны яхшылап тәпәнләргә кирәк. Моның өчен фаршны бер йомрам итеп кушып тупларга, кулга алырга, көч белән савытка ташларга. 10 мин шушы эшне башкаргач, үзегез үк күрерсез, фарш согын югалтачак, үзгә бер рәвеш алачак. Шуннан соң фаршны 1 сәгатькә суыткычка куябыз. Күмер эсселәнгәч, фаршны шампурларга 15 сантиметрлы колбаса рәвешендә тезәбез. Кулга ябышмасын һәм формасын сакласын өчен кулны суда юешләп, яхшылап шампурга беркетәбез. Люля кебаб тиз пешә, табынга аджика яки башка соуслар, лаваш һәм яшелчәләр белән бирелә.



№10. Күмердә кыздырылган шампиньоннар. Пикникка чыкканчы аларны маринадлап алсаң тагын да тәмле. Кайберәүләр, маринадсыз гына да кыздыра. 1 кг шампиньонны юып кәгазь салфетка белән корытабыз. Аларны 1 лимон согы белән “коендырабыз”, тозлап, борычлап алгач савытка салып, өстен каплап 5-6 сәгатькә суыткычка куябыз. Табигатькә чыккач шампурга киертеп, күмер өстендә кыздырып алабыз. Бераз кыяфәтен югалтса да, гөмбәләр бик сусыл, тәмле булып чыга. 



  Без Инстаграмда

Фикерләр








Йорт һәм бакча

Сарымсактан мул уңыш алу серләре: Арчада ком салырга кушалар, Әтнәдә борчак түтәленә утырталар, Теләчедә суыткычта тоталар

Табигатьтә көз хакимлек итә. Олылар мондый һава тоыршын көйсез кияү кебек, ди. Көннәр бер җылыта, бер суыта. Шул арада коеп яңгыр ява, аның артыннан яктырып кояшы да чыга. Тәҗрибәле бакчачылар өчен “әбиләр чуагы” кызу эш көннәре. Бакча эшләренең бик әһәмиятле төрләре нәкъ менә көз аенда башкарыла бит. 

Йорт һәм бакча

"Җиләк утырту өчен иң кулай ай - август"

Кайберәүләр бакачада үзләре өчен һәм «оныклар ашар» дип кенә казынса, ә кемнәрдер аны яшәү рәвешенә әйләндергән. Ул алар өчен хобби да, төп керем чыганагы да. Актаныш районы Такталачык авылында Әхнәф һәм Дания Сәетзадиннар бөтен гаиләләре белән, туган-тумачалары ярдәмендә ничәмә-ничә еллар буена бакчачылык белән шөгыльләнә. "Татар-информ" хәбәрчесенә алар җиләк үстерү серләре турында сөйләде.

Йорт һәм бакча

Егерме мең төп кәбестә һәм кеше башы кадәр суганнарны ничек үстерергә: яшелчә үстерүче эшмәкәрдән киңәшләр

Күпчелек кешенең бакчасында стандарт җыелма: кишер, кыяр, помидор, чөгендер һәм суган. Ә менә җиңел үзләштерелә торган, файдалы һәм витаминлы кәбестәне бар кеше дә үстерми. Бу яшелчәне үстерүнең отышлы һәм уңайсыз якларын белү өчен “Татар-информ” хәбәрчесе кәбестәләргә бай авылда - Оля Якедә булып кайтты.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла

ИНТЕРТАТ
Яндекс.Дзенда
Язылу
×