"Кызыл борыч бетләрне куркыта". Корткыч бөҗәкләргә каршы көрәш һәм яшелчәләрне тукландыру ысуллары

7 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Зәмирә СӘМИГУЛЛИНА
Фото: pixabay.com, автор
Теләче районы Казаклар авылында яшәүче һәвәскәр бакчачы Айгөл Рәхмәтуллина корткыч бөҗәкләрдән котылу ысулларын тәкъдим итә.

Кызыл борычлы төнәтмә

Кыяр яфраклары бетләсә, кызыл борыч ярдәмгә килер. Бер литр җылымса суга 10 грамм төелгән кызыл борыч салып, берничә сәгать тотарга. Борычы эреп беткәч, сиптергеч җайланма ярдәмендә сиптерергә.

Вак чебен, бөҗәкләрдән дә кызыл борыч, аш серкәсе бер дигән котылу чарасы. Бер литр суга шулай ук 10 грамм төелгән кызыл борыч, ике аш калагы аш серкәсе салырга. Бераз төнәтеп тоткач, сиптерергә.

Сарымсаклы төнәтмә

Кәбестә яфрагын яратучы вак бөҗәкләрне дә төнәтмә белән “сыйларга” була. Бер литрлы шешәгә бер баш сарымсакны турап, 1 аш калагы аш серкәсе, бер тамчы йод салып төнәтергә, берничә сәгатьтән сиптерергә.

Кәбестә, кыяр янәшәсенә тырнак гөл (календула), бәрхет гөл (бархатцы) утыртырга. Корткыч бөҗәкләр аның исеннән курка.

Чәчәкләргә ияләнүче бөҗәкләрдән үләннәрдән ясалган әчетке ярдәм итә.

Әрем суы

Бетләргә каршы әрем суы да бик файдалы. Монысы әбиләр кулланган ысул. Әремнең ачысы чыксын өчен җылы суга салып төнәтәсе һәм сибәсе.

Канәфернең дә файдасы зур. Гөлләр бетләмәсен өчен дә гөл төбенә канәфер салып куярга кирәк.

Тукландыру

Әче су

Җиргә күчереп бер атна вакыт узгач, кыяр-помидорга әче су сипсәң яхшы. Сөт аертканнан калган әче су бик файдалы. 10 литр суга 1 литр әче су салына, шунда 10 тамчы йод тамызырга.

Тавык тизәге

Җиләкләр чәчәк аткан вакытта мул уңыш бирсен өчен тавык тизәгеннән әчетке ясап сибәм. Бер чиләк суга чама белән бер килограмм тавык тизәге салып әзерлим. Шуңа үләннәр, кычыткан да өстим. Җиләк кычытканны бик ярата. Шуны 3-4 көн әчетем. Әчеткене яңадан ун литр суга бер литр исәбеннән салып, һәр җиләк төбенә бер чүмеч сибеп чыгарга.

Чүпрәле су

Суган, сарымсак зур булып үссенгә чүпрәле су белән тукландырам. Бу ысулны әбием дә, кайнанам да элек-электән кулланган. Бер пачка “Люкс” чүпрәне (свежий) башта суда җебетәм. Бүлмә температурасында өч сәгатьләп тотам. Бер литр суга 2-3 аш калагы чүпрәле сыекчаны салам. Чүпрәле су кыяр-помидорга да бик файдалы.

Сыер тизәге

Помидор төшсенгә сыер тизәгеннән ясалган төнәтмә бик шәп. 20 литрлы суга бер-ике көрәк сыер тизәге салына. 3-4 көн тотарга. Әзер әчеткене бер чиләк суга бер чүмеч салып, яшелчәнең төбенә сибәргә.

Игътибар! Бу бик мөһим! 

Әчеткеләрне дымлы туфракка сибәргә кирәк. Туфракка башта чиста, кояшта җылынган су сибәргә, аннан соң гына әчеткеле су сибәргәк. Аннан соң, әчеткеләр яфракта калмасын өчен, су сиптереп алу хәерле.


  Без Инстаграмда

Фикерләр








Йорт һәм бакча

"Агач эше ул шундый мавыктыргыч, ясаган саен илһамланасың"

Кулы эш белгән кеше ни генә эшләми. Гомер буе сокландым шундый кулы эшкә осталарга. Казанда яшәүче Руслан Кавиев белән танышкач та, аның агач эшләнмәләрен күреп хәйран калдым. Уфа шәһәрендә үскән егет күптән түгел генә Казанга күченеп килгән. Хатыны – Казан кызы. Казанга күченергә ул да сәбәп булгандыр. Шулай ук, хезмәте буенча киңәергә Татарстанда мөмкинлекләр күбрәк булуы да кызыктырган.

Йорт һәм бакча

Агач, куак үсентеләрен ничек сайларга, помидор рассадасын ничек утыртырга, суган эре булсын өчен нишләргә?

Базарларда, сәүдә нокталарында җимеш агачлары, куак үсентеләре, җиләк-җимеш һәм яшелчә рассадалары сату җанланып китте. Сатучыларның һәрберсе үз товарларын мактый-мактый, мул уңыш вәгъдә итеп сата. Безнең табигать шартларында мул уңыш бирерлек агач, куак үсентеләрен ничек сайларга? Помидор рассадасын кайчан һәм ничек утыртырга? Суган эре булсын өчен нишләргә? "Татар-информ" хәбәрчесе агач, куак үсентеләре, рассадалар һәм орлык сатучылар белән шул турыда сөйләште.

Йорт һәм бакча

Бәрәңгене кайчан утыртырга, ничек итеп мул уңыш алырга?

Бәрәңге утыртыр чак җитә. Бәрәңгең булса, ач калмассың, дигән халык. Күптән игелә торган культура булса да, бәрәңге уңышы мул булсын өчен шактый тырышырга туры килә. “Татар-информ” хәбәрчесе мул уңыш алу серләре, бәрәңге утырту үзенчәлекләре турында Татарстан авыл хуҗалыгы фәнни тикшеренү институтының бәрәңге үстерү үзәге баш белгече Фәния Җамалиевадан сорашты.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла