Кыяр-помидорны күчерер вакыт: ни белән тукландырсаң, шәп уңышка өмет зур?

4 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Зәмирә СӘМИГУЛЛИНА
Фото: Зәмирә Сәмигуллина
Теләче районы Казаклар авылында яшәүче Айгөл Рәхмәтуллина яшелчәләрдән мул уңыш алу серләре белән уртаклаша.

Помидор-кыяр, борычларны һәрвакытта да дымлы туфракка чәчәргә кирәк. Туфракны дымландыру өчен су сипкәндә марганцовка кушам. Куе итмичә генә, алсу төстәге су ясыйм. Орлыкларны чәчкәч, пакет белән каплап куям. Үсентеләр утыртасы туфракны көздән алып калган бакча балчыгына кибет туфрагын да кушып әзерлим. Бергә бер исәбеннән катнаштырам. Үсентеләр өчен кибет балчыгы да кирәк дип саныйм. Чөнки, алар микроэлементлар белән баетылган була.

Тишелеп чыкканнан соң, кояш караган якка куярга кирәк. Бигрәк тә помидор үсентеләрен. Үсенте өч-дүрт яфрак чыгарганнан соң күчерәм. Күчереп, бер-ике атна узгач, аш содасы һәм бор кислотасы катнашмасы сибәм. 

Ул болай ясала: ике аш калагы аш содасына 4-5 тамчы бор кислотасы кушыла. Әлеге катнашманы 2 литр суга салып яхшылап болгатам һәм сыекча әзер. Үсемлекләр бу сыйны бик ярата, бик яхшы үсеп китәләр. Ун көннән соң яңадан, чүпрәле катнашма белән тукландырам. Бу ысулны әбием дә, кайнанам да элек-электән кулланган. Бер пачка “Люкс” чүпрәне (свежий) башта суда җебетәм. Бүлмә температурасында өч сәгатьләп тотам. Бер литр суга 2-3 аш калагы чүпрәле сыекчаны салам.

Кар суы да бик файдалы. Үсентеләргә дә, гөлләргә дә гел шуны сибәбез, булыша. Алга таба корткычларга каршы торырга да ярдәм итә.

Нинди генә катнашма булса да, аларны һәрвакыт үсентенең төбенә генә сибәргә кирәк. Яфракка тияргә тиеш түгел. Җиргә күчереп утыртып, ике атна үткәннән соң нәкъ шушы катнашмаларны тагын кулланам.

Җиргә күчереп утыртканнан соң, 15 көнләп вакыт үткәч, яшелчә үсентеләренә йода эремәсе сибәм. Аны помидорлар бигрәк тә ярата. Йодалы су яшелчәләрнең иммунитетын ныгыта. Теплицадагы помидорлар өчен бигрәк тә файдасын күрәм. 8 литрлы чиләккә 4-5 тамчы йод тамызып эшлим.

Бакча җиләкләре азот ярата. Азот тавык тизәгендә күп. Чиләк төбенә аз гына тавык тизәге салып, су өстәп, берничә көн тоткач сибәргә, шулай ук җиләкнең төбенә генә сибәргә кирәк.

Суганнар, яшелчәләргә нинди үләннәр бар, бөтенесен су салып, әчетеп сипсәң яхшы. Помидорлар сыер тизәге әчеткесен ярата. Кибеттән алып сипкәнче, үзеңдә булган әйберләрне кулланып, шундый ашламалар үзең ясасаң бик яхшы.

Корткычлар яфракларга һөҗүм итә башлагач, аш серкәсе кушылган су сибәбез. 8 литрлы чиләккә бер аш кашыгы аш серкәсе салына.


  Без Инстаграмда

Фикерләр








Йорт һәм бакча

Корткыч бөҗәкләр һәм аларга каршы көрәш: "Россельхозцентр" белгеченнән күзәтү

Авыл хуҗалыгы хезмәтчәннәре быел корткыч бөҗәкләрнең гадәттәге еллардан күбрәк икәнен әйтә. Безнең бакча-басуларга нинди бөҗәкләр зыян сала? Зыян китергән бөҗәкләргә каршы ничек көрәшергә? Бу хакта “Татар-информ” журналистына Татарстан буенча “Россельхозцентр” дәүләт предприятиесе филиалы җитәкчесе урынбасары Любовь Занина сөйләде.

Йорт һәм бакча

Язын нинди агач үсентеләре утырту отышлы?

Тиздән базарда, сәүдә нокталарында җимеш агачлары, куак үсентеләрен сату җанланып китәчәк. Сатучылар үз товарын мактап һәрберсенең мул уңыш бирәчәген вәгъдә итәр. Безнең табигать шартларында мул уңыш бирердәй үсентеләрне ничек сайлап алырга һәм алар үсеп китсен өчен ничек утыртырга? Белгечләр киңәшләрен күздә тоткан бакчачылар алданмас. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла