Сочида оныгы ливневкага төшеп киткәч, әбисе аның артыннан үзе дә сикергән - видеокамера язмасы

Бу хәл 3 августта көпә-көндез шәһәрнең Лазаревское бистәсендә була. Шәһәрдә көчле яңгырлар булу сәбәпле, ачык калган ливневка люгы күренми. Шәһәр уртасында барган әбинең оныгы ачык ливневкага егылып төшә. Әби кешеләрне ярдәмгә чакыра, әмма беркем дә булыша алмый. Ул истерикага бирелә, берни эшли алмагач, үзе дә ливневкага сикерә. Коткаручылар баланың шәһәр астыннан аккан елгага эләгеп, диңгезгә агып киткәне ачыклана. Коткаручылар малайны диңгез ярыннан эзли башлый һәм аның мәетен табалар.

Табиблар әйтүенчә, малай канализация люгына төшкәндә башын бәргән, шул сәбәпле, аңын югалткан. Ә инде шәһәр астындагы елгага эләккәч, тончыгып үлгән.

Әби, йөрәге ярылып үлгән дигән мәгълүмат чыккан иде. Тикшерү комитеты моны кире какты. Ул җир өстенә исән сау менә, тән җәрәхәтләре алмый. Әмма ул бик авыр хәлдә диелә.

3 август көнне Сочида тагын бер фаҗигале хәл булган - гаиләнең ике баласы елгага аккан.