"Дошманыма да мондый кайгы килмәсен": Саратовта үтерелгән тугыз яшьлек кызның әнисе видеомөрәҗәгать белән чыкты

14 октябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
Саратов шәһәрендә җинаятьче буып үтергән тугыз яшьлек кыз баланың әнисе видеомөрәҗәгать белән чыкты. Әлеге видео социаль челтәрләргә урнаштырылган. Бу турыда "Российская газета" хәбәр итте.

Ул баласын эзләргә ярдәм иткән, кайгы уртаклашкан якташларына рәхмәт әйтә.

"Бу безнең өчен бик зур кайгы. Безгә үзара ярдәмләшеп яшәргә кирәк. Мин Саратов халкы гаҗәеп мәрхәмәтле, көчле һәм ышанычлы булуын аңладым. Аларга таянырга була. Мин эзләүдә катнашкан һәркемгә ышана алам, аларның барысы да кочаклап, әйтәм: "Син бик кирәк идең, син безнең янда булдың". Мин бөтен Саратовка рәхмәт әйтәм, бөтен илгә рәхмәт әйтәм. Безгә башка шәһәрләрдән дә шалтыраттылар, көч биреп тордылар. Моны сүзләр белән аңлатып та булмый. Аллаһы күрсәтмәсен, мондый хәл беркайда да кабатланмасын, дошманыма да мондый кайгы килмәсен", - ди мәрхүмә кызның әнисе.

Бу ханым балаларның мәктәпкә юлын имин итәргә тәкъдим итә. "Мин бу турыда Саратов хакимиятенә дә әйттем, алар безгә ярдәм итәргә әзер. Моны ничек итеп эшләп булганын әйдәгез бергәләп уйлашыйк", - ди ул. 
 


Узган чәршәмбе көнне Саратов шәһәрендә мәктәпкә барышлый тугыз яшьлек кыз бала югалды. Аны өч меңнән артык кеше эзләште. Баланың мәетен бер тәүлектән соң таптылар. Ул көч кулланып үтерелә. Баланың мәете ул көн саен мәктәпкә йөри торган сукмак тирәсендәге гаражда табыла. 35 яшьлек ир-атны үтерүдә шикләнеп тоткарладылар, аннары кулга алдылар. Моңа кадәр дә бу кеше талау, көчләү өчен хөкем ителә. Ул 2017 елда иреккә чыга һәм полиция күзәтүендә була. 

  • "Ул бик яхшы һәм мәрхәмәтле": Тугыз яшьлек баланы буып үтерүдә гаепләнүче кешенең әнисе улының өйгә кайтуына өметләнә, дип язган идек.

Саратовта "ЛизаАлерт" эзләү төркеме җитәкчесе Костантин Костырин һәм аның Мәскәүдәге коллегасы Григорий Сергеев моңа кадәр сексуаль характердагы җинаять өчен хөкем ителгән кешеләрне күзәтү системасын кабат карарга тәкъдим итте. Волонтерлар сүзләренчә, мондый кешеләр еш кына кабат җинаять кыла. Ә хәзерге вакытта эшли торган профилактика системасы җинаятьне булдырмый кала алмый.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла