Банктан акча урлаган хатынның ирен иреккә чыгарып җибәргәннәр

7 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: социаль челтәрләр
27 майда Башкортстанның Салават шәһәрендә "Россельхозбанк"тан 23 миллион сум акча урлаган Луиза Хәйруллинаның ирен иреккә чыгарып җибәргәннәр. "Россия 24" каналы язуынча, ул хәзер Луизаның әтисе Рамил һәм ике кызы белән. Марат Хәйруллин журналистларга комментарий бирми, дип хәбәр итә канал. 

Луиза Хәйруллинаны бу акылсыз адымга ире Марат этәргән дигән мәгълүматлар бар. Ул кредитлар алган, аның суд приставларына гына да 1 миллионнан артык бурычы булган. Юрист фикеренчә, Луиза белән качып китү сәбәпле, Марат та җинаять җаваплылыгына тартылачак, әмма аның гаебе хатынына караганда күпкә азрак итеп карала. 

Луиза Хәйруллина Казанда арендагы кулга алынган көннән - 5 июльдән бирле Уфадагы тикшерү изоляторында. Балалар исә бабайларында - Луизаның әтисендә. Ул балаларга опекунлыкны рәсмиләштергән. Башкортстанның балалар хокукларын яклаучы рәсми вәкиле Милана Скоробогатова кирәк булган ярдәмне күрсәтәчәкләрен әйткән.

"Комсомольская правда" Луизаның әтисе Рамил Мулләхмәтов белән сөйләшә алган. "Мин бу хакта белгәч төн буе йоклый алмадым. Ни булганын белмим. Тикшерүчеләр берни әйтми", - дигән ул. 

Луиза Хәйруллина урланган акчаларны кая куйганын әйтми. 

"Комсомольская правда" язуынча, Хәйруллиннарның Казанда икәне июньнең егермеләрендә үк билгеле булган. Мөгаен, яшерелгән акчаның кайда икәнен белү максатыннан, алар шунда ук кулга алынмаган. Аларны күзәткәннәр. "Лента.Ру" язуынча, әнисенең кайда икәнен балаларның берсе "саткан" - ул бабайсына шалтыраткан. Билгеле, телефоннар тыңланган булган, шул сәбәпле, Луизаның Казанның Яңа Савин районындагы Чуйков урамы, тугызынча йортта икәне билгеле булган. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла