Электрон “больничный”ның өстенлекләре нинди?
Вакытлыча эшкә яраксызлык турында электрон “больничный”ның өстенлекләре нинди? Сорауга РФ Социаль иминиятләштерү фондының Татарстан буенча бүлеге идарәчесе Рамил Гайзатуллин җавап бирә.
![Электрон “больничный”ның өстенлекләре нинди?](https://intertat.tatar/resize/shd/images/uploads/news/2018/7/4/5ef785e9654b79d4fbc4e84132caedf1c6740c1d68f93004ae3f70496c3b.jpg)
Эш белән тәэмин итүче оешмалар өчен өстенлекләре:
- электрон вариантта тутырылган “больничный”да хаталар аз;
- эшкә яраксызлык буенча ялган документ ясап булмый;
- кәгазь документ әйләнеше кими;
- учетны оештыруга чыгымнар кими;
- мәгълүматларны эшкәртү гадиләштерелә;
- конфликтлы вазгыятьләр кими.
Гражданнар өчен:
- югалту, йомарлау, бозу куркынычы юк;
- иминиятләштерелгән зат катнашы минимальләшә;
- вакытка экономия;
- мәгълүматның дөреслеге;
- табибтан имза алып, мөһер суктыру мәшәкатьләре юк.
Дәүләт өчен:
- иминият очраклары буенча бердәм белешмәләр базасы;
- ялган документ очраклары юк;
- кәгазь бланклар әзерләүгә финанс чыгымнары кыскару.
***
Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110 Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.