Огузхан: Мин Төрки яшьләр фестивален бөтен кешегә дә тәкъдим итәчәкмен

2 октябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Лилия НИЗАМОВА, КФУ студенты
Фото: Автор
20-27 сентябрь көннәрендә Боровое Матюшинода урнашкан “Идел” яшьләр үзәгендә IV Төрки яшьләр фестивале узды. Биредә төрле төрки илләрдән килгән делегатлар үзләренең милләтләре белән таныштырды, милли проектларын тәкъдир итте, Болгар, Казан калаларына экскурсияләргә барды, күңелле һәм файдалы чараларга йөрде. 

Төркиянең Измир шәһәрендә туып үскән һәм бүгенге көндә КФУның Халыкара Мөнәсәбәтләр Институтытында белем алучы Огузхан Акйылдырым фестивальдә быел беренче тапкыр катнашкан. Үзенең хис-кичерешләре белән ул “Татар-Информ” хәбәрчесе белән уртаклашты.

- Огузхан, син ФТМга ничек килеп эләктең, фестиваль турында каян белдең?

- Төрек студентлары председателе безгә фестивальдә катаншырга тәкъдим итте, мин озак уйламыйча ризалык бирдем.

- Фестивальгә карата булган өметләрең акландымы?

- Әйе, теләкләрем чынга ашты! Бирегә килгәндә яңа дуслар табырга, төрки халыклар турында күбрәк белергә теләгән идем.

 -Нинди төрки халыклары сиңа күбрәк ошады?

- Дөресен әйткәндә, берсен генә аеру кыен, чөнки һәр халыкның үз үзенчәлекләре, үз менталитеты. Делегатлар бөтенесе дә ачык йөзле, күңелле, тик, шулай да, Тыва халкы аеруча ошады. Алар үзләренең мәдәниятләрын, җыр-биюләрен, телләрен, традицияләрен, милли киемнәрен саклап кала алулары белән сокландыра.

- Форумда төрки халыкларның берлеген сизәсеңме?

- Әйе, без үзара нык якынлаштык, бигрәк тә уртак проблемалар, уртак тарихыбыз булуы берләштерәдер дип уйлыйм. Уртак телебездә дә сөйләшә алсак, бер-беребезне аңлау дәрәҗәсе тагын да артыр иде һәм без чын-чынлап бер бердәм халык була алыр идек. Телләр аермасы булуы барыбер үзенчә бер катлаулыклар тудыра.

- Төрки халыклар өчен Төркиядә проеклар оештыралармы?

- Әйе, бездә дә төрки халкы өчен күп кенә проектлар эшләп килә. Шулай ук форумнар да үткәрелә: төрле регионнардан төрки халыклар берләшү максаты белән Төркиягә җыела. Боларның барысын да хөкүмәт финанслый һәм яклый.

- Төрки яшьләр фестиваленә киләсе елга да килергә җыенасыңмы?

- Минемчә, мондый форумда катаншырга теләгән яшьләр, шул исәптән төрекләр, бик күп. Миңа быел мондый бәхет елмайган икән, икенче елга башкалар да фестивальнең тәмен татып карарга тиештер дип саныйм. Аларга үземнең урынымны бирергә әзермен.

- Фестивальдә иң күбе нәрсә ошады?

- Иң күбе, әлбәттә, кешеләр ошады. Алар итагәтле, ачык йөзле, бер-берсен хөрмәт итәләр.

- Фестивальгә дусларыңны, танышларыңны да дәшәсеңме?

- Әлбәттә, фестивальне бөтен төрки яшьләргә дә тәкъдим итәм. Бу- төрки ата-бабаларыбызның тарихын өйрәнү өчен менә дигән мөмкинлек.


  Без Инстаграмда

Фикерләр








ЯшьТИ

Спорт мастерына кандидат мәктәпне бишлегә генә тәмамлар өчен ничек әзерләнә?

Оксана Сидорова белән ел саен Сабан туйларында, Питрауда күрешә идек. Кызлар матур күлмәкләрен киеп бәйрәмгә йөргәндә, ул һәр елны бер урында – тауга барып, чабу ярышына әзерләнеп йөри иде. Мамадыш районында йөгерү буенча аңа тиңнәр юк.Үзе җитез, үзе уңган Оксана мәктәпне тәмамлап, уку йортына укырга керү уйлары белән йөри..

ЯшьТИ

Артистлар кайчан җете кызыл һәм тыйнак була? Сабада "Туплы тамаша" узды

Байлар Сабасында узган “Туплы тамаша” проектында артистларны күрү кызык булды. Сәхнәне генә түгел, футбол мәйданын да шаулатырлык егетләр икән үзләре.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла