Җырчы Дилия Әхмәтшина әни булды
Җырчы Дилия Әхмәтшина яхшы хәбәре белән уртаклашты. Ул әни булды!
Дилия Әхмәтшина – популярлашып килүче җырчы. Ул хәзер Волгоградта яши икән.
“Авырлы булуымны белгәч, без ирем белән шатландык. Хәзер без Волгоград шәһәрендә. Бирегә иремнең эше буенча күчәргә туры килде. 9 ай дәвамында мин дөрес тукландым, йога белән шөгыльләндем”, - дип сөйләде Дилия.
Билгеле булганча, бала көткәндә, кызлар килограммнар җыя, ягъни тазара. “10 килограмм җыйдым, ләкин үземне бик яхшы хис итәм”, - ди җырчы.
“Балабызны Волгоградта таптым. Бераз куркыткан иде, шулай да барысы да яхшы узды. Төрле медитация һәм гипноз ысулларын кулланып, үземне тынычландырдым”, - диде җырчы.
Дилия кыз алып кайтты. “Кызым өчен бишек җыры яздым. Алла теләсә, әлеге җырның премьерасы булачак”, - дип сөйләде Дилия.
Без Дилиягә һәм аның ире Дамирга тигез тормышта балаларын үстерүне телибез!