Вадим Захаров концертына ялган акча белән кергәннәр

11 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Чулпан ШАКИРОВА
Фото: Салават Камалетдинов
Акчаның ялган булуын җырчы бүген автозаправкага кергәч кенә белгән.

Татарстанның атказанган артисты Вадим Захаров кызык та, кызганыч та хәлгә тарыган. Җырчының концертына берәү 200 сумлык ялган акча белән кергән. Бу хакта Вадим “Интертат” хәбәрчесенә үзе сөйләде.

- Яңа ел бәйрәмнәре арасында, 4-7 гыйнварда авылларда концертлар белән йөрдек. Шуннан җыелган 200 сумлык купюраларны кесәгә аерып салып куйдым да, бүген шуның 2000 сумына заправкага кереп, бензин салдым. Акча түләгәндә кассир кыз: “Сезнең бит бер акчагыз ялган!” ди. Әллә нишләп киттем. Карасам, чыннан да бер акчага “200 дублей” дип язылган, “Билет банка приколов” чыгарган. Ни көләргә белмәдем, ни еларга. 200 сумлык бу акчалар – тамашачыларның билет алган акчалары. Менә шуны уйлыйм: бу кеше ни йөзе белән концерт карап утырды икән дә, нинди күңеле белән шулай эшләде икән дим. Моның ахырын бу кассир белән икебез генә беләбез. Шуңа күрә әзрәк кенә мәгънәлерәк булыйк әле дип әйтәсе килә, - ди җырчы.

Вадим Захаровның моңа кадәр мондый хәлгә тарыганы булмаган.

- Ярый әле, кассир аңлый торган кеше булып чыкты. Алла сакласын, полициягә ялгарлар, ялган акча йөртә дип, даның чыгар, - ди Вадим. - Менә шул 200 сумлыкны тотып утырам әле һаман. Ай-яй, әллә ниләр бар. Кызык кына түгел, кызганыч та булырга мөмкин бит бу.

Киң күңелле Вадим Захаровның шулай ук күңел төбендә “Бәлки бу тамашачыны үзен алдаганнардыр, аңа да бу ялган акчаны кая да булса биреп, үзе белмәгәндер” дигән уе да бар.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла

ИНТЕРТАТ
Яндекс.Дзенда
Язылу
×