Салават Фәтхетдиновның легендар баянчысы Шәфәгать Салихов юбилеен билгеләп үтә
Легендар Шәфәгать Салихов белән фотоларны кайчандыр Чаллыда иҗат иткән, хәзер Швециядә яшәүче җырчы Гөлүзә Зыятдинова куйган.
"Яшьлек дустым, коллегам, баянчы Шәфәгать Салихов белән. Бу фотоларның аермасы 28 ел. Ничек, дусларым? Үзгәргәнбезме? Бу көннәрдә Шәфәгатькә 60 яшь тулды, берничек тә бирмәссең бу яшьне. Минем өчен ул бары тик 30да. Юбилеең котлы булсын, дустым Шәфәгать. Исән-сау, бәхетле бул. Иҗат уңышлары телим сиңа", - дип язган Гөлүзә Зыятдинова үзенең Фейсбук битендә.
Шәфәгать Салихов - Салават Фәтхетдиновның Чаллыда яшәп иҗат иткән чорында бик популяр музыкант иде. "Баянчы Шәфәгать"не әбиләребез, әниләребез, әлбәттә, хәтерли. Салаватның легендар "Урсал тауда" җырына баянда аккомпанементны нәкъ менә Шәфәгать Салихов уйнады.
Шәфәгать Салихов - Салават Фәтхетдиновның Чаллыда яшәп иҗат иткән чорында бик популяр музыкант иде. "Баянчы Шәфәгать"не әбиләребез, әниләребез, әлбәттә, хәтерли. Салаватның легендар "Урсал тауда" җырына баянда аккомпанементны нәкъ менә Шәфәгать Салихов уйнады.
