Салават Фәтхетдинов һәм Данир Сабировны пижамадан юбилей уздырган дип тәнкыйтьлиләр
Салават Фәтхетдинов дустының юбилеен уздырган.
Данир Сабиров чираттагы кызыклы видеоны инстаграмдагы сәхифәсендә күрсәтте. "Ядъкәр абыйның кичә узган 60 яшьлек юбилеенда", дип язган ул.
Кадрлардан күренгәнчә, бәйрәмдә Салават Фәтхетдинов та бар. Юбилей җырчының йортында узган булса кирәк. "Салават Зәкиевич: „Әллә кайда йөргәнче, бөтен туганнарыңны миңа чакыр, бергәләп бәйрәм итәрбез“, — дигән. Ядъкәр абый Салават абыйда 17 ел эшли. Шушындый дуслыкка мин сокланам һәм үрнәк алам", — дип яза Данир Сабиров.
Видеода Салават Фәтхетдинов һәм Данир Сабиров бергәләп җырлый. Алар җиңелчә генә киенгән. Инстачылар исә "нигә пижамадан" дип төрттереп алганнар, "костюм кияргә иде" дип киңәш итәләр. "Пижамная вечеринка" дип тә тәнкыйтьлиләр.
Күпчелеге исә котлау һәм мактау сүзләре язып калдырган.