Салават Фәтхетдинов концерт программасыннан мулла турындагы мәзәген төшереп калдырган, әмма гафу үтенергә җыенмый

12 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Алинә АЙДАРОВА
Фото: Салават Камалетдинов
2-18 август көннәрендә Казан шәһәрендә Салават Фәтхетдиновның концертлары бара. Тамашаларда җырлар гына түгел, шаяруларны да ишетергә була. Анекдотларның берсе дин әһелләренә ошамаган икән.

Салават Фәтхетдинов концертында мулла турында шаярткан иде. Шуның өчен дин әһелләреннән гафу үтенүен таләп иттеләр. 

Башта анекдотның үзенә күз салыйк.

Бер ханым муллага барган да: “Мулла, иремә хыянәт итсәм, миңа нәрсә була?”, - дип сораган. Мулла абзый: “Кем белән хыянәт итүеңә карап инде”, - дип җавап кайтарган.

Әгәр дә көтүче белән хыянәт итсәң, өч көн тәмүгта янасың, әгәр дә “дальнобойщик” белән булсаң, ун көн янасың, “нәчәлство” белән хыянәт бер айга төшә...

Хатын югалып калмаган: “Ә мулла белән хыянәт итсәм?”, - дип сораган. “Хм, “сразы” оҗмахка керәсем килә мени?” – дигән мулла.

Кызыкмы, көлкеме? Концерт барышында тамашачы көлде, Салават үзе дә әлеге шаяруы белән кемнедер рәнҗетеп дип уйламагандыр.

Мөселманнарның хәйрия патриотик фонды генераль директоры Рөстәм Хәбибуллин фикеренчә, Салаватның әлеге шаяруы дин әһелләрен кимсетә. 

"Миңа әлеге шаяру турында хәзрәтләр әйттеләр. Әлеге шаяру дин әһелләрен кимсетә. Миңа мөрәҗәгать иткән муллаларның, хәзрәтләрнең сорауларын кире кага алмыйм. Әгәр дә аларга җавап бирмәсәм, куркып калган кебек булам. Шәхсән миңа Салаватның әлеге шаяруы бер дә ошамады”, - диде Рөстәм Хәбибуллин "Татар-информ" хәбәрчесенә.

Салават Фәтхетдиновның да фикерен белергә дип, аңа шалтыраттык. Ул безгә үзе җавап бирде.

“Мәзәкне аңламый торган кешеләр бар. Язып чыкканнар: “Гафу үтенегез”, - дип. Гафу үтенер өчен башта җинаять кылырга кирәк. Тавыш күтәрәсем килми, сеңлем, кирәкми. Минем дингә карата карашым үзгәрмәде. Әлеге шаяруны мин Корбан гаете көннәрендә алып куйдым. Булды, рәхмәт”, - диде җырчы "Татар-информ" хәбәрчесенә.

Сезнеңчә, әлеге шаяру чыннан да дин әһелләрен кимсетәме яисә Салаватка шелтә белдерүчеләр шаяруны аңламыйлармы?!


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла