Мәрхүмә Жанна Фриске авырлы булуын нигә яшергән?

8 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: видеодан скриншот
Дүрт ел элек яман шештән вафат булган Жанна Фриске язмышы турында әледән-әле яңа мәгълүматлар чыгып тора. Ике ел дәвамында баш мие яман шеше белән көрәшкән җырчының Платон исемле улы үсә. Ул 2013 елда туды. Куркыныч диагнозны Жанна Фрискега йөкле вакытында куялар. Табиблар аңа дәвалана башларга киңәш итә. Тик бу очракта баланың сәламәтлегенә куркыныч яный. Шуңа күрә Жанна башта баласын табарга дигән карар кабул итә. Бу турыда "СтарХит" сайты яза. 

Жанна Фриске үзе дә, аның бергә яши торган ире - баланың атасы Дмитрий Шепелев та әти-әни булырга планлаштырмасалар да, йөклелекне тыныч кабул итәләр. "Без Дима белән бернинди паникага да бирелмәдек. "Ой, ни булыр икән?! Коточкыч, хәзер барысы да асты өскә киләчәк", дип борчылмадык", - дип сөйләгән Жанна үзе бер интервьюда.

Ул йөкле булуы турында халыкка сөйләп йөрмәгән, "бәхет тынлык ярата" дигән гыйбарәне истә тоткан. "Мин яшермәдем дә, тик сөйләп тә йөрмәдем. Бу турыда белгәч тә, туганнарыма да, якыннарыма да шундук хәбәр итмәдем. Бу - шундый шәхси яңалык. Мин аны булдыра алган кадәр озак вакыт дәвамында бары үземнеке генә итәсем килде", - дигән Жанна.

Жанна Фриске алты айлык йөкле вакытта да сәхнәгә чыккан. Бер мизгелдә тамашачы җырчының йөкле булуын аңлап алган. Шуннан соң Жанна Фриске сәхнәдән китеп торырга булган. Команда белән сөйләшкәндә, ул тиздән китәсен әйткән. Иптәшләре куркуга калган, авырый дип уйлаган. "Мин бәби табам", - дип әйттем дигән җырчы.

Ул йөклелек вакыты җиңел узуын, токсикоз да, хәл китү дә булмавын сөйләгән. 

Платон тугач кына, Жанна куркыныч авыруы белән көрәшә башлый. Кызганычка каршы, авыру җиңә һәм җырчы 2015 елда вафат була. Хәзер Платонны әтисе - Дмитрий Шепелев тәрбияли. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла