" /> Татар эстрадасы җырчысы Мөнир Рахмаев сабантуйда рекорд куйган

Мөнир Рахмаев: Сабантуйда рекорд куйдым

21 Июня 2018

Автор: Юлия НАСЫЙБУЛЛИНА
Фото: Рамил Гали
Мөнир кебек җитез җырчы татар эстрадасында тагын бармы икән? "Мөнирнең бер буш көне дә юк. Ялларда 3-4 мәҗелестә җырлап чыгарга өлгерә", дип сөйләгәннәрен ишеткәнем бар иде. Шуннан чыгып кына нәтиҗә ясавым. Җырлавының сыйфаты өчен җавап бирмим, ә менә сан ягыннан Мөнирне куып тотам димә! Нинди сан турында сүз барганын "Интертат" белеште...

- Мөнир, сабантуйлар ничек узды? Кайларда булдыгыз?

- Сабантуйлар бик яхшы булды, бер сулышта узып китте. Минем өчен уңышлы ел булып чыкты, 16 июнь көнне 7 сабантуйда җырлап, рекорд куйдым.

- Ничек барысына да өлгердегез, җидесе дә бер районда идеме?

- Юк, төрле район-шәһәрләрдә. Иң беренче сабантуй Әлмәт шәһәреннән башланды. Әлмәттән Чирмешәнгә киттем. Чирмешәндә җырладым да, Кама Аланына йөгердем. Аннан янәдән Чирмешәнгә кайттым. Бер авылының сабантуен гөрләтеп чыктык та, Мәләкәскә киттем. Мәләкәстән Мөслим районына барып чыгыш ясадым һәм ахыргы нокта - Әгерҗедәге сабантуйда катнашып, аны тәмамладым. Ул көнне өйгә төнге икедә генә кайтып кердем.

- Сабантуйларда хәйран гына эшләп алгансыз, димәк?

- Быел, Аллага шөкер, сабантуйлар күп булды. Барысына да вакытында барып өлгердем, соңга калмадым...

- Казан сабантуенда да җырлаячаксызмы соң?

- Әлбәттә, Казан сабантуенда 4 мәйданда җырлаячакмын. Европадан килгән кунаклар алдында үзебезне күрсәтергә кирәк. Быел сабантуйда чит ил кунаклары күп булачак чөнки. Татар кешесенең ничек ял иткәнен күреп китсеннәр әле...

- Сезнең сәхнә киемнәрегез бик үзенчәлекле һәм һәр бәйрәмдә төрлечә. Казан сабантуенда тамашачыларны шаккаттырырлык берәр образ әзерләмәдегезме?

- Футбол буенча дөнья чемпионаты белән бәйле рәвештә, сабантуйда футболчылар стилендә, ягъни, өскә футболка белән шорты һәм аякка гетры белән кроссовки киеп чыгарга планнаштыра идем. Футбол дулкынында булганнар аңлар дип уйлыйм, шул форматка туры китереп киенәсем килә.

- Футбол карарга яратасыз димәк?

- Әйе, яратам. Һәр уенны карап барам.

- Берәр уенны карарга барачаксызмы?

- Битләрне буяп, җанатарлар белән бергә үзебезнең командабыз өчен кычкырып, сызгырып җан атасым килә. Тик, кызганыч, гастрольләр графигы тыгыз булу сәбәпле бер уенга да эләгә алмыйм. Футболчыларыбызга уңышлар телим, ә җанатарларны 23 июнь көнне булачак Казан сабантуена чакырып калам.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла