Лилия Муллагалиева бала алып кайтырга җыенамы? “Юк-юк”, дип әйтеп булмый. Ходай кулында бөтенебезнең дә”
Татарстан Республикасының атказанган артисты, җырчы Лилия Муллагалиева Инстаграм аккаунтында язылучыларының игътибарын аеруча җәлеп иткән пост куйган. “Минем тормышымда да зур үзгәреш булды әле”, дигән ул сөенеп. Язылучылары исә Лилияне авырлы дип уйлап, “бала көтә” дигән үзенчәлекле “диагноз” да ясап куйганнар.
“Татар-информ” мәгълүмат агентлыгы хәбәрчесе бу хакта Лилиянең үзе белән сөйләште. Лилия хәбәрчегә болай диде:
- Үзгәрешләрем эш белән бәйле. Гаиләнеке дисәк тә була инде... Эш белән дә... Әлегә бу турыда сөйләргә иртәрәк. 100 процент төгәл дияргә дә.
- Язылучыларыгыз сезне бала көтә дип саный...
- Мин анда “дөнья хәлен белеп булмый”, дип, көлеп куйдым инде. “Юк-юк”, дип әйтеп булмый. Ходай кулында бөтенебезнең дә.
Лилиянең язылучылары фикеренчә, җырчы бала көтә. Бу турыда алар аның посты астында язып калдырганнар.
“Беременны что ли,Лилия ханум?” ; “Бэби котэбезме эллэ, Лиллия.” ; “Менә хәзер йоклап булмый инде” ; “Беременность” ; “Конечно,кызына иптэшкэ тагын бер матуркаюшкина кирэк бит инде.” ; “Точно бэби инде” ; “Молодееец,Лилия!!! 4 бэбиен котэ!!!! Унышлы гына булсын!!! Кыз ,малай - мохим тугел,исэн САУ,бэхетле бала булып тусын!!”, дип язып калдырганнар алар.
Бер язылучы исә яңалыкны эш белән бәйләгән. “Лилия ханум!Я думаю,в компании получили статус президента )))Если так ,то поздравляю от всей души", дип язып калдырган ул.
Араларында шатлыклы хәбәрләр бәби генә була аламы әллә ул, дип, бу постка тыныч караучы кешеләр дә бар.