Мәрхүм рэпер Децл 2015 елда "Мин 35 яшьтә үлеп күрсәтер идем" дип сөйләгән булган
Рэпер Децл кичә вафат булды. Аңа 35 яшь иде.
Кичә 2000 елларның иң популяр рэп-башкаручысы Децл вафат булды. Аның Ижаудагы концертыннан соң йөрәге туктаган.
Социаль челтәрләрдә Децлның 2015 елда биргән интервьюсын искә төшерәләр. Ул аны Воронеж шәһәрендә биргән булган. Интервью "РИА Воронеж" сайтында басылган.
Социаль челтәрләрдә Децлның 2015 елда биргән интервьюсын искә төшерәләр. Ул аны Воронеж шәһәрендә биргән булган. Интервью "РИА Воронеж" сайтында басылган.
Интервьюда Децл 450 яшькә кадәр яшәргә ниятләгәнен әйтә. "Дөнья күптөрле. Кызыклы әйберләр шундый күп, бер гомер җитмәс кебез. Шуңа мин минимум 450 ел яшәргә җыенам. Мин 35 яшьтә үлеп күрсәтеп, утрауга китеп яшәргә телим. Берничә ел калды, уйларга кирәк әле", - дип сөйләгән ул вакытта Децл.
Децлның (үз исеме Кирилл Толмачев) хатыны инстаграмда: "Раббым сөйгәнемне алды", - дип язган.