"Бөтен җирен күперткән": халык Илсөя Бәдретдинованы ботокс ясатуда гаепли
"Татар клиплары" Инстаграм аккаунтында татар эстрадасы җырчыларының ун ел аралык эчендә төшкән фотолары куелган. Халык Илсөя Бәдретдинованың тышкы кыяфәтендә сизелерлек үзгәрешләр кичерүен күреп алган һәм җырчыны ботокс кадауда гаепләгән.
- Илсөя шундый үзгәргән. Элек бигрәк авыл хатыны кебек булган.
- Тулы, таза булган дисәгез, дөресрәк булыр.
- Юююк, элек матуррак иде.
- Натураль булган, ә хәзер бөтен җирен күперткән.
- Бөтен җире ботокста, - дип язган халык.
"Барысы да бик матур булган, хәзер тагын да матуррак", "Илсөя, яшәргәннән яшәрә генә барасың, молодец. Күзләр генә тимәсен! Уңышлар синең киләчәгеңдә!", "Илсөя сеңел агымга каршы йөзә, Салават агым уңаена гына йөзә, Айдар дала җиле кай якка иссә шунда. Хәния, Хәния җитми күңелгә. Филүс Каһиров татарның моңлы халык икәнен исбатлаучы, бу минем фикер", - дип язганнар.
Илсөядән тыш, фотоларда Салават Фәтхетдинов, Айдар Галимов та сурәтләнгән.