Гөлсирин Абдуллина кияүгә чыкканнан соң нинди фамилия белән чыгыш ясаячак?

15 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Динә ЙОСЫПОВА
Фото: Абдул Фархан
Ваһапов фонды җырчылары Азат Абитов һәм Гөлсирин Абдуллина белән “Дуслык күпере” II Бөтенроссия татар-башкорт эстрадасы фестивалендә сөйләштек.
- Азат, Гөлсирин, никахлашуыгыз белән котлыйм. Никах укытканнан соң гына бергә тора башладыгызмы яки күптәннән бергә торасызмы инде?

- Хәзер бергә яшибез инде, әйе, никах булды бит.

- Туй датасы һаман да сер булып кала әле, әйеме?

- Әйе. Анысын әйтмибез әле.

- Балаларны кайчан планлаштырасыз?

- Әле туйны да уйлап бетермәдек әле. Балаларга иртә әле.

- Кеше бит туй ясаганда ук балаларны кайчан планлаштырасын белә. Кемдер бит үзен яшьрәк яки әле әзер түгел дип уйлап, балалар алып кайтырга ашыкмый.

- Кем алай беләдер, белмим. Без әле бу турыда уйламадык та. Дөресен генә әйткәндә, балалар турында әле уйлаган юк. Әле концертлар да күп, вакыт бик тыгыз. "Минем әле уку да бар", - диде Азат. Әле никахка әзерләндек, никах та үтеп кенә китте бит әле, шуңа күрә уйларга вакыт булмады әле.

- Артистларның вакытлары тыгыз. Балалар тугач, иҗади эшчәнлек белән гаилә тормышын бергә ничек алып барырга уйлыйсыз?

- Аларны бергә алып барып буладыр инде ул. Бүтән артистлар бит берләштерә, Гүзәл Уразовалар, Ландыш Нигъмәтҗановалар, алар бит шулай ук гаилә тормышын да алып баралар, үз эшләрен дә туктатмыйлар. Без дә җайларбыз, Алла боерса.

- Казанда торачаксызмы?

- Казанда торачакбыз. Аллага шөкер әти-әниләребез исән, булышырлар дип уйлыйбыз.

- Җәйне планлаштырмадыгызмы әле? Берәр кая ял итәргә барырга уйлыйсызмы?

- Туйдан соң булырдыр дип уйлап, хыялланып йөрим инде мин, - диде Гөлсирин, Азатка елмаеп. - Уйлыйбыз инде. Әлегә туй. Туйны уйлыйбыз.

- Айсылу Габдинова янында да бик күп кенә шау-шу булды. Нигә Айсылу концертта катнашмады? Айсылу үзе нәрсә әйтә? 12 апрельдә аның Рифат Фәттахов белән эшчәнлегенә нокта куелды. Сезнең контрактлар да бетә дип ишеткән идек...

- Анысын бездән сорыйсы түгел. Без үз контрактларыбыз белән эшлибез. Башкаларныкы белән әллә ни кызыксынмыйбыз. Минем контракт бетми әле. Минем әле рәхәтләнеп эшлисем бар, - диде Азат.
- Минеке бетә инде, - диде Гөлсирин.

- Сез киләчәктә парлы җырчылар булырга уйламыйсызмы? Я инде һәркайсыгыз үз карьерасын булдырачакмы?

- Әлегә менә анысын белмим. Киләчәктә нәрсә булыр, күз күрер. Хыяллар бар, - диде Гөлсирин.

- Дуэт булдырырга димәк хыял бар. Ә җырчы буларак Абдуллина фамилиясе белән калачаксызмы?

- Әйе.

- Паспортка Абитова фамилиясен алачаксызмы?

- Әйе, Алла боерса. Ир нәрсә әйтә, шул, - диде Гөлсирин.

Алдагы сорауга кире кайтып, “Сәхнәдә ике Абитов була алмый”, - диде Азат, көлеп. “Анысы да бар”, - диде Гөлсирин.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла