Гөлсирин Абдуллина белән Азат Абитов туен әзерләүчеләр соңгы минутта ярдәм итүдән баш тарткан - туй фотосы

Гөлсирин Абдуллина белән Азат Абитов күптән түгел генә туй уздырган иде. Яшь кәләш инстаграмдагы сәхифәсендә туй фотосын куйды. Ул кызыксынучыларның сорауларына да җавап язган. "Бик күпләрегездән туй буенча әле дә сораулар килә. Күлмәгемне Чаллыда эзләп таптым, чөнки Казанда мондый күлмәкләр биик кыйбат. Таҗны соңгы 3 көн кала гына Казаннан таптым Казаннан", - дип яза ул.

Җырчы туйдагы бизәлеш турында да яза. "Туйга 10 көн кала без сөйләшкән компания отказ бирде. Бик күп эзләдек, тик буш түгел иделәр. Туйны Казаннан кайтып бизәделәр. Безнең теләк белән йөрәкне ясадылар. Бәя буенча бик кулай", - дип аңлата ул.

Гөлсирин туйга алдан әзерләнергә киңәш итә. "Дуслар, туйга җитәрәк эшләрегезне калдырмагыз! Алдан уйлагыз, төгәл сөйләшегез. Бик күпләр соңгы минутта баш тарттылар. Безгә ярдәмгә чыгучыларга аерым рәхмәт", - ди җырчы.

Гөлсирин сәхифәсендә туйда чәчәк бәйләме ыргыту мизгеле видеосы да бар.