Фирдүс Тямаевны халыкка дип әзерләгән бүләкләрне Илсөя Бәдретдиновага биреп бетергән дип шикләнәләр
Татарстанның атказанган артисты Фирдүс Тямаев Нурлат районы Түбән Нурлат авылында “Тямаев-фест” бәйрәмен уздырды. Илсөя Бәдретдинова "өйдә кайнар суым бетте, эмалированный тазларың юкмы", дип Фирдүс Тямаевтан таз сорый башлаган. Тямаев бүләк иткән. Хәзер Фирдүс Тямаевны бүләккә дип әзерләнгән бөтен тазларны Илсөя Бәдретдиновага биреп бетерде дип шелтәлиләр.. Бу хакта җырчының Инстаграм сәхифәсендә язганнар.
– Әгәр дә һәрбер районда Фирдүс кебек кеше булса, без бөтенләй бүтән дәрәҗәдә яшәгән булыр идек. Кулымны йөрәгемә куеп әйтәм, Фирдүстән беркемгә дә тынычлык юк. Бөтен татар эстрадасын, бөтен Татарстанны “дер” селкетеп тора ул, чукынчык. Бөтен дөньяны кубарып бәрә торган бер нәрсә! Ике атна инде безнең фатирда кайнар суны туктаттылар, бу тазикларны газга утыртып булмый, берәр “эмалированный” таз юкмы? – дип сорый сәхнәдә басып торучы Илсөя Бәдретдинова.
– Бар! Табам, брат! – дип җавап кайтара аңа Фирдүс.
– Бу бит бәләкәй! Син монда кара... – ди Илсөя Бәдретдинова һәм башка таз сорап мөрәҗәгать итә.
“Нишләп Тямаев бөтен тазларны Илсөягә бирде, кунакка килгән халыкка таратсын иде”, - дип шелтәләп язган халык.