Фирдүс Тямаев Айгөл Зәйнуллинаны элекке ире белән уртак тел табарга өндәгән: "Теләсә нинди хәлдән чыгу юлын табып була!"

15 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Солтан Исхаков
"Болгар кызлары" җырчысы Айгөл Зәйнуллина видеомөрәҗәгать язган. Айгөлнең ике улын элекке ире үзе белән Казахстанга алып киткән иде. Айгөл Зәйнуллина судлар аша балаларын кире кайтара алды. Хәзер суд балалар әтисе белән дә күрешергә тиеш дигән карар чыгарган. 

"Менә безнең кукусик кечкенә бала белән йөри. Кайгыртучан әти. Баланы кем алырга килә дип тикшерергә килгән", - дип язган. 

"Бу ситуациядә балалар кызганыч. Моңа нокта куярга һәм бу кешегә сез ансыз бәхетле икәнен аңлатырга кирәк. Үзегезне кимсетүгә юл куймаска кирәк", - дип киңәш иткәннәр.

"Ничек?" - дип сораган Айгөл. "Әлбәттә, балалар тилмерә. Минем дә инде сәламәтлегем юк, ул моның өчен барысын да эшләде. Балалар нервлы, елыйлар. Бөтен кеше каза күрә бу кешедән!"

"Ул да кеше. Икегез дә гаепле. Икегез дә принципка барасыз", - дип язган тагын берсе.

"Белмәгән килеш язмагыз!" - дип җавап кайтарган Айгөл. "Ике баланы 4 меңгә ашатып карагыз. Безнең белән яшәп карагыз башта".

Фирдүс Тямаев: "Ничек инде уртак тел таба алмыйсыз? Балалар тилмерә, сез шуны аңламыйсызмы? Бу нинди по... Балаларның ни гаебе бар? Өлкән ир, ә акылы юк", дип яза.

"Фирдүс, ул балаларны күрә, алар белән аралаша, балалар анда куна, һәркөн телефоннан сөйләшә, әмма ул приставларга барып, мин балаларны бирмим дип яза. Андый кеше белән ничек килешергә, Фирдүс?" - дип сораган Айгөл.

Бер укучы исә: "Яхшы эш эшләгез Фирдүс. Аның белән ир белән ир кебек сөйләшегез. Балаларга ӘНИ кирәген аңлатыгыз", - дигән.

Фирдүс исә: "Уртак телне сез табарга тиеш, ә балаларга сезнең ситуацияне аңлатып булмый. Балалар хакына акылга килегез! Сез балаларга нәрсә исбатламакчы буласыз? Ирең дә иҗтимагый эштә, син дә, 21 гасырда яшибез, теләсә нинди чыгу юлын табып була, балаларны психик яктан каушатасыз!!!" - дип язган. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла