Дилә Нигъмәтуллинаның ремонт ясавын ошатмаганнар: "Аллаһ Тәгалә аның өчен ачуланырга мөмкин"

Дилә Нигъмәтуллина ремонт ясарга яратуы хакында яза.

"Мин кечкенә чактан өйдә берәр нәрсә сүтеп , җимереп-төзеп үзгәртергә ярата идем. Мин ремонт эшләүдән бер ләззәт алам. Бигрәк тә буяудан. Бераз вакытым булган саен берәр нәрсә үзгәртеп кенә торам. Бу юлы йокы бүлмәсендә хуҗалык зонасы эшләргә теләдем. Анда минем тегү машинасы торачак.

Якыннарым инде ияләнеп беттеләр: "Тагын ремонт ,"-дигән яңалыкка. Мин шаярып әйтәм: "Ремонт түгел, үзгәреш кертү".

Әмма бер тискәре ягы бар моның: миңа ремонт эшләргә килгән кешеләрне интектереп бетерәм сыйфатына бәйләнеп. Үзе эшли белгәннәргә ярарга бик авыр шул. Сезнең арагызда да бармы шундый ремонт кортлары?" - дип яза ул.

Фәнүзә исемле ханым Диләнең ремонт ясавын яратмаган.

"Гел-гел ясап-сүтеп, ясап-сүтеп тормыйлар, ул исраф итү була. Аллаһ Тәгалә аның өчен ачуланырга мөмкин", - ди ул.

Дилә Нигъмәтуллина аңа: "Рәхмәт. Иии, әлдә сез бар тормышка өйрәтеп торырга", - дип җавап биргән.

"Дилә, белгән булсам, обой ябыштырганчы сезне генә чакырган булыр идем", - дип язган бер укучы.

"Просто мактанчык".

"Сез Дилә яңа өй алдыгыз мәллә, бер дә Маратны күрсәтмисез, чын дөреслекне ачмыйсыз".

"Уңганнан бар да уңган", - дип тә язганнар.

Комментарийлар (0)