"Бу кеше безнең тормышыбызны тәмугка әйләндерде". "Болгар кызлары" җырчысы Айгөл Зәйнуллинаның улын элекке ире үзенә тартып алмакчы була

8 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Расих Фәсхетдинов
"Болгар кызлары" җырчысы Айгөл Зәйнуллина Инстаграмда элекке ире белән булган катлаулы мөнәсәбәтләр турында язган.

"Мин беркайчан да тормышымда шундый хәл булыр дип уйламаган идем. Дәшми ардым! 

6 ел буе аерылышып яшәгән, балаларны тәрбияләүдә катнашмаган, аларның сәламәтлеге, финанс хәле турында уйламаган кеше, 10 яше тулган олы улымны миннән алырга булды. Бер ай диярлек улымны үзендә тотып, әнисенә һәм гаиләгә каршы котыртып, аны психик ару һәм стресс хәленә җиткерде. Үзенең максатларын тормышка ашыру өчен баланы куллана. Безнең законнарның бөтен җәһәннәмен узып, Тамерланны приставлар аркылы гына ала алдым. 

Бу кеше безнең тормышыбызны тәмугка әйләндерде. Балалар белән аннан качып йөрергә мәҗбүрбез. Элекке ир беркемгә тынычлык бирми, миңа каршы гаризалар яза, аларда ялган һәм яла ягу, үзенең саташкан гаепләре белән бөтен органнарны бимазалап бетерде. Балалар өчен акча эшлисе урынга. Балалар белән аралашу турындагы суд карарын үтәми. Кайчан бетәчәк соң бу? 

Кайда гаделлек? Ни өчен законнар минем кебек хатыннарны якламый? Гаиләне ашату, кредитлар түләү, балаларга тиешле тормыш булдыру өчен 100 җирдә эшләгәннәрне. Ә кемдер әзергә килә дә минем улымны алмакчы була. Бөтенесе дә аның балаларга хокукы шундый ук ди. Беркем дә бурычлар турында әйтми.

Нигә шулай? Бу мәсьәләләр белән шөгыльләнгән бер генә дәүләт структурасы да бу елларда ничек яшәдең, авыр булмадымы, ике баланы берүзең ничек тәрбияләдең дип сорамады. Ә авыр чакта ул кайда булган? Һәм бу кеше балалары алдындагы әти бурычын үтәгәнме? Беркем дә моны өйрәнми.

Ни фатиры, ни машинасы, ни әхлагы, ни горурлыгы - бернәрсәсе дә булмаган кеше миннән баланы алмакчы була. Бернәрсәдән дә оялмыйча судка бирә, балалар һәм аларның хәле турында да уйламый. Аллаһ барысын да күрә һәм гаделлек булыр дип уйлыйм. Бу монстрга баламны бирмим! Көрәшәчәкмен. Ә бу кеше -Тимур Ш. бәхетсез, чөнки бәхетле кеше башкаларга әшәкелек эшләми. 

Иң кабәхәт кеше генә баланы әнисеннән, абыйны энесеннән аера ала". 

Айгөл Зәйнуллина бу кешенең фотосын да урнаштырган.



"Хәзер гаделлек юк", - дип язганнар Айгөлгә. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла