Әбри Хәбриевне "чүпрәк булуда" гаепләгәннәр
Әбри Хәбриевне "чүпрәк булуда" гаепләгәннәр
Әбри Хәбриев "Урталайга бүлдем" клибында бер кыз артыннан ялынып йөргән егет ролендә уйный. Шоуменның шушы клибындагы ролен ошатмаганнар.
"Кызлар артыннан алай чабарга ярамый. Сез үзегезне түбән күрсәтәсез. Ирләр сыйфаты юк сездә", - дип язган Шамил Хәлиуллин дигән кеше.
"Әй, Шамил Хәлиуллин. Сез кинематография дигән әйбернең нәрсә икәнен аңлыйсызмы? Икенчедән, сюжет линиясе дигән әйбер бар.
Бөтен кеше дә сезнең кебек мачо булып туа алмый. Кайбер егетләргә йөгерергә туры килә", - ди Әбри Хәбриев.
"Шундый кешеләрсез дөньяда яшәве кызык булмас иде".
"Егетләр чаба инде, кызлар чабып йөрмәс", - дип яклаганнар Әбри Хәбриевне.