Айдар Галимованың киявен бәялиләр: "Киявегез сездән өлкәнрәк күренә"
Айдар Галимованың киявен бәялиләр: "Киявегез сездән өлкәнрәк күренә"
Айдар Галимов үзенең кияве белән фотосын Инстаграмга урнаштырган. "Кызлар үзенә тормыш иптәшен әтиләренә охшатып сайлый, диләр. Холыкларда уртаклык бар, ә тышкы кыяфәт турында сездән сорыйм. Артур белән без аз булса да охшашканбызмы икән?" - дип сораган ул.
"Улыгыз кебек!"
"Борыннарыгыз бертөрле".
"Киявегез сездән өлкәнрәк күренә".
"Сез яшьрәк күренәсез".
"Ошаган, тешләрегез сирәк".
"Суйган да каплаган!" - дип, охшатып язучылар бар.
Шулай ук кияүне охшамаган дип уйлаучылар да җитәрлек.
"Юк шул, охшамагансыз, күңелләрегез бердер".
"Сез кабатланмас, бер генә".
"Киявең синең яшь чагыңа охшаган".
"Гадәттә, малайлар әниләренә охшатып хатын сайлый диләр".
"Мөгаен, ашаганда калакны да уң кулыгызда тотасыздыр әле".
"Картая белмәгән карт ишәк кебек булдыгыз инде, кияү белән яшьтәш кебек тора", - дип әллә нервланып, әллә шаяртып язган берсе.