"Аты-юлы белән сүгенеп бәрәсе килә". Әнвәр Нургалиевнең стакан тотып чыгуын ошатмаганнар

18 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Абдул Фархан
Ләйлә Дәүләтова Әнвәр Нургалиевнең "Дуслык күпере" фестивалендә чыгышын Инстаграмга урнаштырган: "Халык тын да алмый Әнвәрне карый, әллә җыры шәп, әллә җырчысы. Ничек уйлыйсыз?" - дип сораган ул.

Концертта булган кешеләр Әнвәр Нургалиевнең авырган көе сәхнәгә чыгуын тәнкыйть иткән. 

"Авырган көе сәхнәгә чыкмасыннар иде артистлар. Сәхнә алдына бокал белән су куеп... Ничектер матур күренеш түгел", - дип язган Лилия исемле тамашачы. 

"Концертта булдык, стаканы комачауламады", - дип каршы төшкәннәр аңа. 
"Ошамаса, концертына йөрмәгез, ул бит сезне чакырып китерми". 
"Артист кеше түгел мәллә? Аның да тамагы кибеп китә. Ул синең шикелле килеп кенә утырмый бит, җырлый-сөйли, нинди гаеп таптыгыз тагын. Бер-берегезне ашар идегез. Халык, акылыгызга килегез инде бераз".

"Мин берәүне дә ашарга җыенмаган идем", - дип язган Лилия. 

Бәхәскә Данир Сабиров та катнашкан. "Артист бөтенләй эчмәскә тиеш, һәм ашамаска, һәм кыланмаска, тавышы булса, моңы булмаска тиеш, яки киресенчә. Кыскасы, нәрсә әйтәсемне оныттым. Ә артист онытмаска тиеш". 

"Данир Исламбаевич. Сезгә кагылмый. Сезнең концертта кружка белән су тормый бит", - дигән Лилия аңа. 

"Лилия, су эчүнең гаебе юк инде, тамак җырлаганда түгел, сөйләшкәндә кибә", - дип акланган Әнвәр Нургалиев. 

Тамашачыларның күбесе Әнвәр Нургалиевне яклаган.

"Агуларыгызны чәчмәсәгез иде!"
"Фонограммага җырласа, су эчеп тормас иде. Ул тере тавышка җырлый".
"Аты-юлы белән сүгенеп бәрәсе килә. Нишлисез сез, халык. Нишләп тырнак астыннан гаеп эзләргә генә торасыз?"
"Ошатмагач, утыр өеңдә. Баргансың икән, гаеп эзләп утырма", - дип язганнар.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла