Алла Пугачеваның юбилей концертын бик нык тәнкыйтьлиләр: "Хайваннарча мөнәсәбәт!"

20 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Алла Пугачева, 70 яшьлек юбилее уңаеннан, Кремль сараенда зур концерт куйды. Бу аның соңгы ун елдагы иң зур концерты. 

Алла Пугачева яшьләргә урын бирүе, башка концертлар бирмәячәген әйткән иде. Ул соңгы концертлар турын башлавы турында әйткән иде. Әмма, сүзләреннән баш тартып, юбилеенда концерт куйды. "Бу гадәти пиар. Җырчылар өчен гадәти әйбер", - дип бәяли "Россия 24" каналына интервьюсында пиар буенча белгеч Кирилл Папирный. 

Концертны бик нык тәнкыйтьлиләр. Тавыш шулкадәр начар булган, хәтта Алла Пугачева концерт вакытында тавыш режиссерларына мөрәҗәгать итеп, тавышны көйләргә кушкан. Алла Пугачева сәхнәдә җырлаган вакытта куплетлар арасында тавыш режиссерына: "Инструменталларны мониторга бир, нәрсә җырлаганымны ишетмим", "Сәхнәдә тавыш юк", - дип әйткән. 

Пугачева концертына билетлар 300 мең сумга җиткән. Ксения Собчак билет өчен 250 мең сум түләве хакында яза. 

Билетлар шулкадәр кыйбат булса да, тамашачыларга хөрмәт булмаган. Актер Никита Ковтун әйтүенчә, "арзанлы" (балкондагы иң арзан билетлар 7 меңнән башлана) билетлар белән килгән кешеләргә сакчылар "хайваннарча мөнәсәбәттә" булган. "Һәм бу илнең иң төп залында!" - дип яза ул.

"Бу кичәне үткәреп җибәрергә көч бир, Аллам!" - дип язган тамашачылар.

Алла Пугачеваның концерт директоры Елена Чупракова бу гаепләүләрне кире кага, беркем дә зарланмады, ди. "УРА.РУ" сайтына ул тавышның да әйбәт булуын, аерым проблемаларның "эш моментлары" булуын әйткән.

Алла Пугачева ютуб каналларының берсенә интервьюсында үзен тәнкыйтьләүчеләргә җавап биргән. "Төкереп бирәм мин. Минем өчен иң мөһиме: аякларым йөрсен. Алар әлегә кадәр бик матур. Иң мөһиме: бүгенге көн белән яшәү".


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла