АКШның элекке президенты хатыны ЭКО ярдәмендә балалы булган
АКШның элекке президенты хатыны ЭКО ярдәмендә балалы булган
АКШның элекке президенты Барак Обаманың хатыны Мишельнең балалары ЭКО ярдәмендә туган. Кызлары Малия белән Сашаның ничек барлыкка килүе турында Мишель үзенең мемуарларында язган, дип хәбәр итә "Би-Би-Си".
ЭКОны Мишельгә беренче баласы төшкәннән соң ясатырга туры килгән. Ул үзен чын мәгънәсендә хатын-кыз итеп тоймавын, борчылуын язган. 34 яшьтә ул ЭКОга барган.
"Үз-үзебезгә салган иң зур зыян безнең бер-беребез белән тәҗрибә уртаклашмаудан килеп чыгарга мөмкин. Без бер-беребезгә тәнебез төзелеше һәм аның проблемалары турында сөйләргә тиеш", - дип язган Мишель Обама.
Мишель Обамага хәзер 54 яшь. Ул АКШ тарихында афроамерикалы тәүге Беренче леди.