Акча янчыгын өйдә онытып калдырган Гөлнара Габидуллина маҗаралары
Татар эстрадасы җырчысы Гөлнара Габидуллинаның кызы белән конкурска катнашырга барганда акча янчыгын онытып калдыра. Бу турыда ул автобуска утырганнан соң гына исенә төшерә. Әмма артка юл юк: кулда костюмнар, вакыт тыгыз... Бу хәлнең нәрсә белән беткәнен Гөлнара Габидуллина Инстаграм битендә язган.
"Җырчы... Әлбәттә, матур яңгырый.... Узган атнаны кызым Әминә белән конкурска ашыгабыз. Тукталышка килеп җиттек... Кая, мин әйтәм, акчамны проездга алдан ук әзерләп куйыйм әле дип, сумканы ачсам, акча янчыгым өйдә, башка сумкада онытылып калган. Хәзер нишләргә инде дим... Кире кайтырга үзем белән ике сумка костюмнар, вакыт та кыса.
Безнең автобус килә... Утырдык... Кондукторга әйтәм: "Кошелек онытылып калган, безне музыка җитәкчесе каршы ала (аңа шалтыраттым тиз генә, баш эшли бит әле), акчасын ул бирер", - дим.
"Ярар, ярар", - диде инде... Ярый әле телефон өйдә калмаган.
Төшәргә ике тукталыш кала, автобуста бер ир белән хатын яныма килеп бөтен автобуска: "Сез бит безнең яраткан җырчыбыз, түләмәгез, без сезнең өчен түләдек!" - диләр. Кирәкми, дим, хәзер безне каршы алалар дим дә бит... кулыма билет тоттырдылар...
Ул апа белән абыйны кем икәнен белмичә калдым... Сезнең изгелек бер атна башымнан чыкмый бит!!! Алланың рәхмәтләре яусын сезгә! Бәлки, сез минем инстадусларымдыр. Ходай сезне зурласын. Алла, менә хәзер рәхәт булып китте.
Автобустан төштек (кондуктор да булышты), каршы алдылар. Конкурста икенче урын алдык.
Сезнең белән дә булганы бармы шундый хәлләр??? Языгыз, дуслар", - дигән Гөлнара Габидуллина.
Безнең автобус килә... Утырдык... Кондукторга әйтәм: "Кошелек онытылып калган, безне музыка җитәкчесе каршы ала (аңа шалтыраттым тиз генә, баш эшли бит әле), акчасын ул бирер", - дим.
"Ярар, ярар", - диде инде... Ярый әле телефон өйдә калмаган.
Төшәргә ике тукталыш кала, автобуста бер ир белән хатын яныма килеп бөтен автобуска: "Сез бит безнең яраткан җырчыбыз, түләмәгез, без сезнең өчен түләдек!" - диләр. Кирәкми, дим, хәзер безне каршы алалар дим дә бит... кулыма билет тоттырдылар...
Ул апа белән абыйны кем икәнен белмичә калдым... Сезнең изгелек бер атна башымнан чыкмый бит!!! Алланың рәхмәтләре яусын сезгә! Бәлки, сез минем инстадусларымдыр. Ходай сезне зурласын. Алла, менә хәзер рәхәт булып китте.
Автобустан төштек (кондуктор да булышты), каршы алдылар. Конкурста икенче урын алдык.
Сезнең белән дә булганы бармы шундый хәлләр??? Языгыз, дуслар", - дигән Гөлнара Габидуллина.