"Әле һаман да тыныч түгелмен". “Болгар кызлары” триосы солисты Айгөл Зәйнуллинаның балалары әниләре янына кайткан

25 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Алинә АЙДАРОВА
Фото: Абдул Фархан
“Болгар кызлары” триосы солисты Айгөл Зәйнуллинаның элекке ире балаларын урлау турындагы хәбәр бер ай дәвамында күпләргә тыңгы бирмәде. Балаларның әтисе суд карарын да тыңламады. Шулай да, мең шөкер, бүген Айгөл үзенең балалары белән бергә. Бу хакта ул үзенең Instagram челтәрендә хәбәр итте.

Балалар, ниһаять, өйдә! Айгөл Зәйнуллина үзенең балалары белән бергә.

“Элекке ирем Тимур балаларны кичә Казанга алып килгән. Кече улым Әмирхан, миңа телефон аша хат язып, Казанда булуларын хәбәр итте. Ирем исә, шалтыратып, үзенең шартларын куя башлады. Кичә кич приставлар белән балаларны өйгә алып кайттык. Минем белән миңа ярдәм итүче дә килгән иде. Ул Казан шәһәренең кече һәм урта бизнес эшкуарларының һөнәри берлеге рәисе Сәхәбетдинов Руслан Дамир улы. Тимур аның күзенә газ балоны белән сиптерде. Ул пешү җәрәхәте белән хастаханәгә эләкте”, - дип сөйләде Айгөл.

Айгөл сүзләренчә, Тимур законның барлыгын аңламый. “Уен уйный, диярсең. Һаман да эшнең җитдилегенә төшенә алмый. Әле ул иректә. Штраф булыр дип уйлыйм. Шулай да кешелекле булып калырга кирәк бит. Аларның аралашуларына мин бер дә каршы түгел, ләкин алдан сөйләшергә кирәк”, - диде җырчы.

“Балалар белән булуыма мин бик шат. Әлбәттә, алар мине сагынганнар. Кызганыч, минем турында яхшы әйбер генә сөйләмәгәннәр кебек. Балаларның миңа каршы булуын сизәм. Әле һаман да тыныч түгелмен. Тимурдан нәрсә көтәргә дә белмим. Бары тик бер теләгем бар: балаларның уенчык булмавын аңласын иде. Бүген мин бәхетле, Аллаһка мең шөкер”, - диде җырчы.

Айгөл үзенең рәхмәт сүзләрен Казан шәһәренең кече һәм урта бизнес эшкуарларының һөнәри берлеге рәисе Сәхәбетдинов Руслан Дамир улына һәм Президент Аппаратына белдерә.

Без Айгөл өчен шатбыз. Гаилә тынычлыгы телибез сиңа, Айгөл!


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла