Төлкеләр берәмләп килеп, боз өстендә яткан балыкларны эләктереп китә. Ач хайваннар кырыйгарак китеп, балык белән сыйлана. Берничә минут эчендә бирегә дүрт төлке килә. Видеога төшерә торган ир-ат якын килгәч тә, җәнлекләр китәргә ашыкмыйча, әйләнгәләп йөри.

«Колянның бәкесе иң тәмлесе», — дип шаярта балыкчыларның берсе. «Монда бер якалык төлке атарга була», — дип кызыга икенчесе. «Бер якалык кына түгел, бер тун чыга», — дип төзәтә тагын бер балыкчы.