“Тракторист, таксист, сакчы булган, диләр...” Җырчылар кем булып эшләгән?

2 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Алинә АЙДАРОВА
Фото: Салават Камалетдинов
Җырчылар җырчы булу хыялларын, чама белән әйткәндә, егерме яшьләр тирәсендә чынга ашыра. Вордскиллс чемпионаты үтү сәбәпле, без аларның "кул белән эшли торган" һөнәрләре белән кызыксындык. “Интертат” кайсы җырчының кем булып эшләгәнен белеште.

Азат Фазлыев: “Сакчы булып та, таксист та, төзүче булып та эшләдем”

“Эшләгән бар, әлбәттә. Өйләнешкәч, сакчы булып эшләдем. Аннан соң таксида. Төзүчелек өлкәсендә дә эшләгәнем булды. Эшсез торган чак булмады. Мәктәптә укыганда, колхозда эшләдем. Әти белән ашлыкны киптерә идек”, - ди Азат.

Айсылу Габдинова: “Эшсез тормадым”

Җырчы Айсылу Габдиновага да шалтыраттык.

“Кайда гына эшләмәдем инде. Унсигез яшемдә эшли башладым. “Макдоналдс”та бер елга якын эшләдем. Каникул вакытларында берничә кибеттә киемнәр саттым. Соңыннан вокал укыттым”, - ди Айгөл.

Булат Нигъматуллин: “Ындыр табагында эшләдем”

Булат Нигъматуллин белеме буенча икътисад белгече икән. “Белемем буенча менеджер булып эшләдем. Төзүчелек өлкәсендә дә эшләгәнем булды. Үскәндә - колхозда. Җиденче классларда укыганда, ындыр табагында эшләдем. Ул вакытны максатым акча эшләп, чаңгы ботинкасы сатып алу иде. Аның бәясе 35 тәңкә иде, ялгышмасам. Ләкин җырчы булу теләгемне беркайчан да ташламадым”, - ди Булат.

Вадим Захаров: “Тракторда төрле эш башкара алам”

“Тракторга тагыла торган тегермән бар безнең өйдә. Шуның белән акча эшләп йөрдем. Бүген дә тракторда бар эшне дә эшли алам. Гомумән, ир заты бөтен эшне дә эшли белергә тиеш. Әле менә бер көнне генә ваннада су тыгылды. Үзем ясап куйдым. Мастерларга да шалтыратып буладыр, ләкин үзем дә эшли алам”, - ди Вадим.

Җәвит Шәкиров: “Өчәр йөз тәңкә ала идем”

Җәвит Шакиров тугызынчы сыйныфта укыганда тракторист ярдәмчесе булып эшли башлый. “Аның өчен бик яхшы хезмәт хакы ала идем. Өчәр йөз тәңкәдип хәтерлим. Велосипедын да ала алдым, киемнәр дә булды. Көтүен дә көттек! Бөтен эшне дә эшли беләм. Берүзем авылдагы өйне тышлап чыктым”, - дип сөйли ул.

Студент вакытта исә вагон бушаткан чаклары булган. “Шикәр комын, он бушата идек. Акча кирәк булгач, эшләрнең күбесен эшләргә туры килде”, - диде Җәвит Шәкиров.

Рөстәм Закиров: "Икенче класста укыганда көтүгә чыга башладым"

"Икенче класста укыганда, көтүгә чыга башладым. Соңыннан бишенче сыйныфларда печән төядек. Тракторда эшләгән чаклар да булды. Армиядән соң авыл клубында сәнгать җитәкчесе булып эшләдем. Соңыннан җырчы булдым", - ди Рөстәм Закиров.


"Чөгендер басуында да эшләдем"

"Колхозда да эшләдем, көтүен дә көттем, чөгендер басуында да эшләдем. Акчалата түләмиләр иде, бодай бирәләр иде. Бер ай эшләсәң, ике капчык болай ала идек. Студент вакытында озак вакыт ди-джей булып эшләдем. Уфага күчкәч, башка эштә эшләүнең кирәге булмады", - ди җырчы.


Бер шалтыраткач, сорамый калмадым. "Кайчан өйләнәсең, Ришат, сорыйм әле?" - дидем. "Сорамагыз әле", - диде җырчы. 

Әбри Хәбриев: "Авылда үскәч, эшнең барысы да эшләнде"

"Авыл баласы буларак, эшнең бөтенесен дә эшләгән булды. Кечкенә чакта нәрсә эшләдең дигән сорауга төгәл җавап бирә алмыйм. Ә Арчада укыганда, "жестянка"да - бәрелгән машиналарның кузовларын ремонтлый идек. Казанда исә бары тик сәнгать, иҗат белән генә шөгыльләндем", - ди Әбри.


Шуны әйтеп китәргә кирәк: Әбри абыйсы ярдәмендә мунча белән гараж салган. Димәк, юмористта төзүче сәләте дә бар.

Зинира Рамазанова: "Тырнак ясаучы мастерга укыдым"
Зинира Рамазанова да, Казанга килгәч, эшсез тормаган. "Кәгазь дә тараттым. Әле берсендә хәтерлим: эшләгәндә яңгыр койды гына. Бер атна урын өстендә яттым соңыннан. Кошелеклар да саттым. Аннан соң тырнак ясарга укыдым", - ди җырчы.



Зинираның тырнак ясаучы дигән дипломы да бар. Үскәндә исә, Зинира күбрәк малайлар эшли торган эшләрне башкарган. Әйтик, мәсәлән, утын ярган. Зинираның авылдашлары: "Әнә, Газим малае утын яра", - дигәннәр.

ИлСаф та кечкенә чагында көтү көткән

"Кечкенә чакта көтү көттек. Алтынчы, җиденче сыйныфларда, ат җигеп, печән ташый идек. Беренче хезмәт хакымны, печән ташып, алдым. Арыш, бодай, иген белән түлиләр иде. Бераз акчасы да кергәләде. Хәзер төгәл хәтерләмим. Тракторист, комбайнер ярдәмчесе булып эшләдем. Студент чакта концертлардан соң вагон бушата идек. Шикәр комы белән тулган капчыклар килә иде, шул вагоннарны бушату безнең эшебез иде". 


Җырлый белгәч, җырлап кына йөрергә димәгән бит, шулай бит?! Әле җырчы булып танылып китәр өчен, үзенә күрә акча кирәк. Шулай булгач, башка өлкәдә дә эшләмичә, кая барасың.

  Без Инстаграмда

Фикерләр








Шоу-бизнес

“Апаем, минем җырларны җырласаң, җырчы буласың!” Ризван Хәкимов һәм татар эстрадасы турында сөйләшү

"Елама, ярсыма", "Моңнар кайтсын авылга", "Аллага шөкер", "Агымсу", "Әнкәйләргә фатиха", "Рәхмәтеңнән, Ходаем, ташлама"... Бу һәм тагын бик күп популяр җырлар авторы Ризван Хәкимнең иҗат кичәсенә багышланган матбугат конференциясенә популяр җырчылар үзләре дә килгән иде. 

Шоу-бизнес

Туганнар җыелган җирдә: "Болгар радиосы"ның концерт-мәҗлесендә булган кунак фикере

“Болгар радиосы” “Бәйрәм” концертын Казан тамашачысына тәкъдим итте. 30 август Казанда шәһәр көне билгеләнеп үткәч, тамашачы җыю да җиңелләрдән түгел. Залда буш урыннар юк иде дип әйтә алмыйм. Алар бар иде. Ул буш урыннарны истә калдырыгыз, соңыннан аларга кире әйләнеп кайтырбыз. Шуны әйтергә кирәк: тамашаны карагач, туганнарны җыя торган бәйрәм күз алдыма килде. 

Шоу-бизнес

“Тракторист, таксист, сакчы булган, диләр...” Җырчылар кем булып эшләгән?

Җырчылар җырчы булу хыялларын, чама белән әйткәндә, егерме яшьләр тирәсендә чынга ашыра. Вордскиллс чемпионаты үтү сәбәпле, без аларның "кул белән эшли торган" һөнәрләре белән кызыксындык. “Интертат” кайсы җырчының кем булып эшләгәнен белеште.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла