Рәнис Габбазовның кәләше кем?

18 июль 2017

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Эльвира Шакирова
Р.Ваһапов фестиваленең Яшь башкаручылар конкурсында гран-при откан талантлы җырчы Рәнис Габбазов өйләнде. Яшьләрнең никахы 16 июльдә Казанның "Иман нуры" мәчетендә узган. Рәнисне тормышындагы иң шатлыклы көне белән котлап үзенә шалтыраттык.

- Тормыш иптәшем Гөлия Сагиева - Казан кызы. Аның белән Казан дәүләт мәдәният һәм сәнгать университетында укыганда таныштык. Мин Венера Ганиевада укыдым, Гөлия Салават Фәтхетдинов кафедрасында белем алды. Тәүге тапкыр аны ашханәдә очраттым. Гөлия шоколад ала иде, мин исә "үзем алып бирәм" дидем. Шулай итеп, Гөлиягә алып биргән беренче бүләгем - шоколад булды. Гөлия бик матур җырлый, концертларымда да катнашканы бар. Ул шулай ук Ваһапов фестивале лауреаты, - дип сөйләде Intertat.ru хәбәрчесенә Рәнис Габбазов.

Рәнис белән Гөлия 3 ел 8 ай очрашып йөргән. "Йөргән чакта кызык хәлләр дә, күңелсезләре дә булды. Аралар суынгач, бер ай буы Гөлия артыннан чаптым. Гөлия - акыллы, сабыр. Аллага шөкер, тиң парымны таптым, кавыштык. Гөлия белән кавышырга уртак дустыбыз Әминә Галимова да ярдәм итте. "Гөлияне ычкындырма", - дип һәрвакыт әйтеп торды. Никахыбыз күңелле узды. Мәһәр итеп алтын пар алка бүләк иттем. Нияз хәзрәтнең вәгазьләре, төпле киңәшләре тормышта ярдәм итәр дип уйлыйм", - ди Рәнис.

Яшьләр туйны сентябрь аена билгеләгән. Без дә Рәнис белән Гөлияне чын күңелдән котлыйбыз, нык сәламәтлек һәм гаилә бәхете телибез!





  Без Инстаграмда

Фикерләр








Шоу-бизнес

Вил Усманов: "Хатыным безнең аерылышуыбызга әзер иде"

“Минем белән әңгәмәгә әзерләндеңме соң?” - дип башлады сөйләшүебезне Татарстанның халык артисты Вил Усманов. Ай-һай, мин әйтәм, сөйләшүебез бер дә җиңел булмас. Шулай да берәр каты чикләвекне ватам дип чүкеч белән сугып торсаң, ахырда барыбер ватыла ул. Вил абый да сөйләмәде түгел. Тыңлагыз әле. Ничек бар шулай язам, матур сүзләр өстәмичә.

Шоу-бизнес

“Тракторист, таксист, сакчы булган, диләр...” Җырчылар кем булып эшләгән?

Җырчылар җырчы булу хыялларын, чама белән әйткәндә, егерме яшьләр тирәсендә чынга ашыра. Вордскиллс чемпионаты үтү сәбәпле, без аларның "кул белән эшли торган" һөнәрләре белән кызыксындык. “Интертат” кайсы җырчының кем булып эшләгәнен белеште.

Шоу-бизнес

Зинира Рамазанова: “Балачакта проблемалы бала булдым”

Зинира белән аралашканда, елап та, көлеп та алдык. Зинира, иҗат кешесе буларак, эмоциональ һәм хисчән. Сөйләгәндә аның күзләре яшьләнә, ул арада ул бөтен йөзе белән балкып бәян итә башлый. Ризат белән аерылышканын сөйләгәндә, гомумән, мелодрама караган кебек булды. Әйтерсең лә ике дус кыз очрашкан да, берәр кино турында сөйләшеп утыралар. Иң мөһиме: белүебезчә, мелодрамаларның ахыры, гадәттә, бехетле була. Зинира белән Ризатка ихластан тигез тормыш телибез. Текст аркылы барлык хис-кичерешләрне дә җиткереп булмас. Шулай да тырышып карыйк.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла