Мирхәт Гайсин ике республика җырчыларын чагыштыра: "Башкортстан җырчылары татар җырчылары кебек берсен-берсе чәйнәшеп йөрми"

11 сентябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Юлия НАСЫЙБУЛЛИНА
Фото: instagram.com/gaisyn
Татарлар җыр сәнгатендә камилләшеп киләләр, Башкортстан җырчыларына караганда аларның дәрәҗәсе югарырак. Ләкин башкортлар тәртиплерәк. Татар җырчылары кебек берсен-берсе чәйнәшеп, ямьсез сүзләр әйтешеп йөрми, ди Мирхәт Гайсин.
- Буйдак булып озак йөрдең, өйләнгәч рәхәтме соң?
- Рәхәте-михнәте бергә(көлә). Мин 36 яшьтә, нәкъ вакытында өйләндем. Иртәрәк тә өйләнмәдем микән әле? - дип уйлап куйган чаклар да булгалый. Минемчә, ир кешегә 40та өйләнсә дә соң түгел. Ә менә 20 яшьтә үк өйләнү белән килешмим, иртәрәк дип уйлыйм. Әле беркөнне Фердинанд Фәтхи белән әңгәмә укыдым. Ул бөтенләй, пенсиягә чыккач кына өйләнмәкче булам дигән, әфәрин! 
- Казанда сирәк күренәсең хәзер...
- Башкортстанга кайтып киттем.
- Мирхәт, ике арада күп йөргән кеше буларак, татар һәм башкорт эстрадасы турында фикереңне әйт әле?
- Татарлар җыр сәнгатендә камилләшеп киләләр, башкортларга караганда аларның дәрәҗәсе югарырак. Башкорстанда сәнгать үсеше 10 елга арткарак калып бара. Кире башкорт эстрадасына кайткач, шуны аңладым. Шуңа күрә Казанга кайтасы, үсәсе килә.
- Сәбәбе?
- Хөкүмәт тарафыннан артистларга игътибар зур. Татарстанда атказанган исем алу да күпкә җиңелрәк. Чөнки җитәкчеләр тырышып эшләгән артистларны күрә беләләр, иҗатлары белән кызыксынып торалар. Әгәр җырчы берәр исемгә лаек икән, тоталар да бирәләр. Берәүгә дә ялынып, соранып йөрергә кирәкми. Башкортстанда киресенчә, анда атказанган исем алу могҗизага тиң.
- Башкортстанда халык кайсы җырчыларның концертларына яратып йөри?
- Казаннан килгән җырчыларның концертларын гына яраталар, үзебезнекеләргә рәт юк. Аптырагач, Башкортстан филармониясе татар  җырчыларына санкцияләр кертмәкче булып та карады. Бу яңалыкны ишеткәч, җырчылар берләшеп прокуратурага гариза язганнар. Казаннан килгән җырчыларга юлны ябып кына тамашачыны залга куып кертеп булмый. Гаепне читтән килгән җырчылардан түгел, үзебездән эзләргә, аларга карап үсәргә омтылырга кирәк. 
- Башкортстан җырчыларының бер-берсенә карата үзара мөнәсәбәтләре ничегрәк?
- Ул яктан башкортлар тәртипле. Татар җырчылары кебек берсен-берсе чәйнәшеп, ямьсез сүзләр әйтешеп йөрмиләр. Татарларның эчендәгесе тышында - әдәп саклап утыру юк. Нәрсә уйлыйлар, шуны бәреп әйтәләр. Бәлки, турысын әйтү яхшырактыр да. Чөнки тыныч кына елмаеп йөргән кешедән нәрсә көтәргә икәнен белеп булмый, анысы да бар...


  Без Инстаграмда

Фикерләр








Шоу-бизнес

Иркә концерты: Хәниянең "Кышкы чия"се, чәчәк эченнән бомба эзләүче сакчылар һәм Элвин Грей

Татарстанның атказанган җырчысы Иркә Казанда үзенең концертын куйды. Тамаша тәмамлангач, түбәндәге фикергә килдем: “Менә күрерсез Иркә әле чыннан да популяр җырчы булачак”. 

Шоу-бизнес

“Маңгайга кызыл төстәге ручка белән зур икеле куйды”. Эстрада артистлары беренче укытучыларын искә ала

Укытучы! Әлеге сүзне ишеткән һәркемнең күз алдына аның яраткан укытучылары килеп баса. Кеше тормышында мәктәп еллары, беренче дәрес һәм укытучы иң кадерле хатирәләр булып гомер буе озатып йөри. Татар эстрадасы артистлары, танылган шәхесләр беренче укытучыларын хәтерлиме икән? "Интертат" шул хакта белеште.

Шоу-бизнес

“Апаем, минем җырларны җырласаң, җырчы буласың!” Ризван Хәкимов һәм татар эстрадасы турында сөйләшү

"Елама, ярсыма", "Моңнар кайтсын авылга", "Аллага шөкер", "Агымсу", "Әнкәйләргә фатиха", "Рәхмәтеңнән, Ходаем, ташлама"... Бу һәм тагын бик күп популяр җырлар авторы Ризван Хәкимнең иҗат кичәсенә багышланган матбугат конференциясенә популяр җырчылар үзләре дә килгән иде. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла