ИлГәрәй үлем хәлендә сәхнәгә чыккан

23 март 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Эльвира ШАКИРОВА
Бу көннәрдә Казанда җырчы ИлГәрәйнең концерты узды. Концерт буласы көнне артистның кинәт хәле начарланган. Үзен яхшы хис итмәве ИлГәрәйнең чыгышында да чагылды.
“Күптән түгел Мәскәүдә узган концертта чыгыш ясадым. Гримеркасында салкынча иде, шунда суык тигәндер дип уйлыйм. Ә концерт көнне хәлем тагын да начарланды, температура 39 градуска кадәр менде. Ләкин концертны өзәргә ярамый, тамашачым мине көтә”, - дип сөйләде концерт алдыннан Интертатка ИлГәрәй.

Шуны да әйтергә кирәк, быел ИлГәрәйнең иҗатына 15 ел тулган. Концерт шуның белән дә истәлекле булды. Тамаша нәрсә белән истә калды соң? Беренчедән, ИлГәрәйнең сәхнә киемнәре үзенчәлекле һәм бик зәвыклы иде. Хәер, ул элек тә эстрадада “модный” киемнәре белән аерылып торды. Икенчедән, сәхнәдәге ут, экран сыйфаты шундук күзгә чалынды. Өченчедән, концертта ИлГәрәйнең якын дусты Венер Сәлимов, Татарстанның халык артисты Зөһрә Шәрифуллина, ИлГәрәйнең олы кызы Әдилә Гәрәева катнашты.

 Артист узган ел арабыздан киткән җырчыларны да искә алды. “Хәния апа Фәрхи белән дуэт җырлау хыялы бар иде. Кызганыч, бу хыялым тормышка ашмады. Әмма бүген мин аның җырын башкарам”, - дип ул Хәния Фәрхинең “Китәсең” җырын башкарды. 

 ИлГәрәй авыртуы турында сер бирергә теләмәсә дә, ахырдан тамашачыдан гафу үтенде. Концерт тәмамлангач, җырчының хәлен белергә теләп, сәхнә артына кердек. Гримеркадагы өстәлдә дарулар ята иде. Күрәсең, ИлГәрәй кич буе дару эчкән. “Кычкырып елыйсым килә. Шатлыктан! Үлем хәлендә диярлек сәхнәгә чыктым. Ләкин Аллаһы Тәгалә ярдәменнән ташламады, концертны ахырына кадәр ерып чыктым. Тамашачым мине җылы кабул итте, алкышларга, чәчәкләргә, бүләкләргә күмде”, - диде ул.










Илгәрәйнең хатыны һәм кызлары


















  Без Инстаграмда

Фикерләр








Шоу-бизнес

Салават Фәтхетдинов: "Мулла турында мәзәкләр аз түгел! Нәрсәсе бар инде аның?"

Салават Фәтхетдинов янына бардым. Утырып бер сөйләшим әле дидем. Кертсә кертер, аның концертындагы Әлмәндәр әйтмешли, “чурты-матыр” булмаса, кире борылып кайтып китәрмен дип уйладым. Кертте. Сөйләштек.

Шоу-бизнес

Сөмбел Билалова: Җаным тынычлык һәм мәхәббәт эзли

Җырчы Сөмбел Билалова белән очрашуга барганда, ничек аны үпкәләтмичә, сак кына сөйләтим икән дип уйладым. Мин аны тыныч, салмак хатын-кыз итеп күзаллый идем. Һәм әлеге фикерем дөрес булган. “Бәхетем тулы булсын өчен, гаилә кирәк”, - диде ул миңа. Сөмбелгә ихластан саф, җаваплы мәхәббәт һәм җан тынычлыгы телим. Бүген аңа утыз дүрт яшь һәм ул көчле булырга мәҗбүр. Сөмбел, көчсез була алу бәхетенә ирешергә язсын сиңа. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла