"Голос"ка кадәр боларның берсе дә юк иде..." Динә Гарипова ябыгуы, иренең кайдан булуы һәм төп йорты турында

5 май 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Чулпан ШАКИРОВА
Фото: Рамил Гали, Динә Гарипованың инстаграмы
“Голос” проекты җиңүчесе Динә Гарипова ни өчен Татарстанда чыгыш ясамый?

Яшел Үзән кызы, Татарстанның атказанган артисты Динә Гарипова “Голос” проектында җиңү яулады да Татарстаннан юкка чыкта. Икенче урын иясе Эльмира Кәлимуллина Казан тамашачысы алдында шактый күренеп тора. Ә Динә суга төшкәндәй юкка чыкты. Аның иҗатын яраткан һәм җырчы белән кызыксынган тамашачы аны күптән түгел “Язгы солянка” концертында күрә алды. Чыгышын тәмамлагач, “Татар-информ” хәбәрчесе сәхнә артында Динә Гариповадан блиц-интервью алды.

-  Динә, бүген сезне шактый югалып торганнан соң кабат күрдек. Тагын Казанда, Татарстанда чыгыш ясарга планнарыгыз бармы?

- Минем бик күп чараларым әзерләнә. Якын тирәдә нәрсә булачак соң әле, искә дә төшерә алмыйм. Нигездә, мин альбомга җырлар яздыру белән мәшгульмен. Яңа җырлар яздырабыз һәм көзгә яңа альбом чыгарырга ниятлибез. Анда гел яңа композицияләр генә керәчәк. Алар минем тыңлаучыларыма-тамашачыларыма ошар дип уйлыйм. Эш бик күп. “Сольный” концертка да әзерләнәбез. Алар, мөгаен, шул альбом чыгу хөрмәтенә булыр.


- Казанда “сольник” куячаксызмы?

- Әйе, әлбәттә. Альбом әзер булуга Россия буйлап концерт турын планлаштырачакбыз. Казанны берничек тә калдыра алмыйбыз.

- Динә, “Голос”тан соң сезнең тормыш ничек үзгәрде?

- Үзгәрешләр күз алдында дип уйлыйм мин. Барысы да үзгәрде. Үз өстемдә эшләү дәрәҗәсе үзгәрде. Музыка белән күбрәк шөгыльләнә башладым. Күп вакытымны автор-композитор буларак сынауга багышлыйм. Мин хәзер күбрәк шушы юнәлештә эшлим. Үзгәрешләр дигәннән, мин хәзер илнең зур мәйданнарында чыгыш ясый алам. Төрле шәһәрләргә чакыралар. “Голос”ка кадәр боларның берсе дә юк иде.


-  Тышкы кыяфәтегез дә үзгәрде. “Голос”тагы тулы гәүдәле кыз бөтенләй юк хәзер. Ябыгуның сере нидә?

-  Аның үзенчәлекле сере дә юк инде. Тормыш ритмы, яшәү режимы, өстенлекләр үзгәрде. Актив яши, дөрес туклана башладым. Бу мода гына түгел, чыннан да уңайлы икәнен аңладым. Үземне яхшырак хис итә башладым. Шуның аркасында үземне эшкә күбрәк багышлый алам. Көчем күбәйде.

- Эльмира Кәлимуллина Казанда, Татарстан сәхнәләрендә еш күренә. Ә сезне күрмибез дә диярлек. Бу нәрсә белән бәйле?

- Минем татар мәдәниятен Татарстанда гына түгел, Мәскәүдә дә түгел хәтта, чит илләрдә танытасым килә. “Евровидение”га баргач, минем төрле илләр буйлап сәяхәт итү, төрле музыка тәкъдим итү мөмкинлеге туды. Шулай ук мин, гадәттә, татарча җырладым. Шул вакытта тамашачылардан уңай фикерләр ишеттем. Алар хәтта телне белмичә дә кызыксына башладылар. Шулай итеп безнең татар музыкасын чит илләрдә дә беләләр. Бу миңа бик ошый. Үзебезнең мәдәниятебез, телебез, музыкабыз турында сөйли, җиткерә алам.

- Сез бит әле кияүгә дә чыктыгыз. Хәзер кайда яшисез?


-  Минем тормыш ике шәһәр арасында. Даниил Козловскийның шундый сүзләре бар: “Хәзер минем төп торыр урыным - өем юк”, - ди ул. Минем дә шундый очрак. Мин ике шәһәрдә –  Яшел Үзәндә һәм Мәскәүдә яшим. Бу ике шәһәр минем өчен – үз өем. Беренчесендә мин туып үстем. Икенчесендә шулай ук күп вакытымны үткәрәм.

- Ирегез кайдан, Мәскәүдәнме?

- Юк, ирем Яшел Үзәннән.

- Әти-әниегез янына еш кайтасызмы?

- Тырышам. Шуңа күрә графигымны да бер атна әти-әни янында торырлык итеп планлаштырам.

- Ирегез Яшел Үзәндә яшиме?

- Ул да шулай сәяхәт итеп йөри. Шуңа күрә аның да төп йорты юк дияр идем.


Фикерләр








Шоу-бизнес

Гөлдания Хәйруллина: Телевизордан югалуның сәбәбе - битем бозылу иде, күренмәгән табиб калмады...

Берара эстрада җырчысы Гөлдания Хәйруллина телевизор экраннарыннан да да, сәхнәдән дә югалып торды... Хәзер яңадан иҗат дөньясына чумган ул. Бик күп концертларда катнаша, күптән түгел генә ”Шөкер ит булганына” җырына төшерелгән яңа клибы чыкты. Шушы көннәрдә “Татар-информ” хәбәрчесе җырчы белән бер хәйрия концертында очрашып, серләрен сорашты.

Шоу-бизнес

Җырчы Дилия Әхмәтшина: Бер ноктага карап, 4-5 минут күземне дә йоммыйча, сөйләшмичә, тик кенә утыра алам

Татар эстрадасына “Сөярмен” җыры белән килеп кергән Дилия Әхмәтшина - тыйнак җырчы. Аны тамашачы нәкъ менә тыйнак һәм моңлы булганы өчен яратты бугай. Дилия Мәскәүдә яши, әмма без аны Казанда "тоттык". 

Шоу-бизнес

Зөһрә Сәхәбиева Филүс Каһировка рәнҗи: "Хәйдәрнең җырларын рөхсәтсез яздыра, Бигичев репертуарыннан дип куймаган!"

"Хәйдәр белән беркемне дә чагыштырып булмый. Ул киңкырлы җыр һәм опера сәнгатендә иң югары планка. Хәйдәрнең әзер репертуарын алып җырлаганда, аның исемен әйтмәүләренә рәнҗим. Гомумән, Хәйдәр җырларын яздырып, дисклар чыгаручыларга мин каршы! Аның җырларын кабатларга кирәкми, Хәйдәр Бигичевнең үзен тыңласыннар. Һәр җырчының үз репертуары булсын!" - дип сөйләде Зөһрә Сәхәбиева “Интертат”ка.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла