Булат Нигъмәтуллинга “Татарстанның атказанган артисты” исеме бирелде

29 декабрь 2017

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Эльвира ШАКИРОВА
“Торналар”, “Якын дустың барын онытма” җырлары белән татар эстрадасында танылган артист Булат Нигъмәтуллинга “Татарстанның атказанган артисты” исеме бирелде. Дәүләт бүләге тантаналы рәвештә ТР Мәдәният министрлыгында тапшырылды.
“Дәрәҗәле исем бирү турындагы Указ быелның март аенда чыгарылган иде. Кичә аны ТР премьер-министры Васил Шәйхразиев белән ТР Мәдәният министры Айрат Сибагатуллин тапшырды. Сәхнәдә иҗат итүемә – 15 ел. Бу вакыт эчендә бик күп эш башкарылды. Еллар дәвамында башкарылган хезмәтне күргәч, бәяләгәч, димәк, юкка гына йөрмәгәнбез. Исем алу – ул популярлык белән бәйле түгел, ул – лаеклы рәвештә алынган дәүләт бүләге”, - дип сөйләде Интертатка Булат Нигъмәтуллин.

Булаттан “Исемне алдыңмы, әллә бирделәрме?” – дип сораучылар булган. “Бирделәр, ә мин алдым”, - дип җавап биргән җырчы. “Яшьрәк чакта бу хакта уйламыйсың, олыгая баргач, күңел белән көтәсең. Үз вакыты җиткәч, бүләкләделәр менә. Мин бик шат һәм барысына да рәхмәтле!” – дип белдерде Булат.

Булатны дәрәҗәле исемгә лаек булуы белән чын күңелдән котлыйбыз һәм иҗади уңышлар телибез! Сүз уңаеннан, тиздән Булат Нигъмәтуллинның өр-яңа клибы дөнья күрәчәк. Моннан тыш, җырчы яңа җырлар туплау өстендә эшли.



  Без Инстаграмда

Фикерләр








Шоу-бизнес

Линар Белыйның каралган чагы: эстрадада чираттагы продюсер-җырчы гаугасы

Татар эстрадасында яңа һәм классик низаг - җырчы белән продюсеры ызгышкан. Башкорстанның өметле җырчысы Линар Вәлиевның үзенең продюсеры Илнур Асаинов белән башка эшләмәячәге ачыланды. “Интертат” ике як белән дә сөйләште.

Шоу-бизнес

Гөлнара Тимерҗанова: "Ике баламны югалттым, кайвакыт уйланам - кемнең күзе тигән, кем каргаган?"

“Тышта буран булса, булсын, өйдә буран булмасын”, - дип җырлаган Гөлнара Тимерҗанованы хәтерлисезме? Ул 2000 елларда сәхнәдәге иң якты йолдызларның берсе иде, аның кебекләр бармак белән санарлык... Көн саен тулы заллар, тугры тамашачы алкышлары...Ләкин язмыш гел без теләгәнчә бармый. Кырык бишен тутырып килүче Гөлнара Тимерҗанова үзенең тормыш юлында ниләр күргән? “Язмышым – үзе бер имтихан”, - ди Гөлнара "Интертат”ка. 

Шоу-бизнес

Элвин Грейның элекке йөргән кызы Алинә Галимова: “Радикны яратмыйм дип әйтә алмыйм”

Элвин Грей, Радик Юльякшин дип күпме туташлар һәм хәтта ханымнар башларын югалта. Алар: “Радик минем егетем булса иде”, - дип хыялланалар. Алинә Галимова Радикның йөргән кызы ролендә дүрт ел булган. Ничек микән ул Радик Юльякшинның йөргән кызы булу? Алар ничек танышканнар һәм ничек аерылышканнар? 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла