“Авылда яшәргә мин риза түгел. Хаталы язган егетләр ошамый”: җырчы Айсылу Габдинова кияү сайлый

21 ноябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Ләйлә ХӘКИМОВА
Фото: Рамил Гали, видео: Илгиз Шәкүров
“Интертат” электрон газетасында “Айсылу кияү сайлый” проекты дәвам итә. Җырчы Айсылу Габдинова белән якыннан танышырга һәм аның йөрәген яуларга теләүче егетләр шактый. Проект күптән түгел генә башланып китүенә дә карамастан, “Кияү анкета”сы ярдәмендә үзләре турында мәгълүмат җибәрүчеләр күп булды. Җырчы шул анкеталарны укып, очрашырга теләгән берничә егетне сайлады.

- Проект турында төрле сүзләр ишетергә туры килде, араларында тискәре фикерләр дә күп булды. Инстаграм челтәренә “Нигә болай эшлисең? Нәрсәгә кирәк ул сиңа? Бу “пиар”мы?” – дип яздылар. Танышларым да проект хакында сорады. Күрәмсең, татар кызы андый адымга барырга тиеш түгел, дигән караш яши. Минемчә, бу проект кызыклы. Нигә әле катнашмаска? Башлагач, проектны дәвам итәргә кирәк. Безнең максатлар зурдан. Килеп чыгармы, юкмы? Барысы да Аллаһы Тәгалә кулында. Әмма ышанып калабыз, анкеталарны көтәбез, - дип сөйләде Айсылу.



Проект кагыйдәләре буенча, җырчы кыз белән танышырга теләгән егетләр анкета тутырып җибәрергә тиеш. Анкета тутырып, Айсылуны каратырга хыялланучылар әле дә бәхетен сынап карый ала. 


Кияү анкетасына сылтама

Күптән түгел Айсылу, инде җыелган анкеталарны укып, очрашырга теләгән берничә егетне сайлады.

“Кияү анкетасын” Балтач, Оренбург, Уфа, Кукмара якларыннан юллаучылар бар. Араларында авыл егетләре дә шактый, тик Айсылу әлегә авылга кайтырга риза түгел икән.

- Балтачта яшәргә мин әзер түгел. Хәзерге вакытта авылга күченә алмыйм, чөнки бүгенге көндә эшем шәһәрдә. Авылны бик яратам, ләкин анда лаеклы ялга чыккач кына яшәргә риза, - дип әйтте ул.

 

Анкетада “Айсылуда сезгә нәрсә ошый?” – дигән сорау бар. Егетләрнең күбесе җырчының сәхнәдәге образын ошатуларын әйткән. Ул күпләрне тавышы, тышкы кыяфәте, моңлы һәм туры сүзле булуы белән үзенә караткан.




“Күбесе тышкы кыяфәтемне ошаткан, аларга минем эчке дөньям ошар микән соң?” – ди Айсылу. 

Кияүләрнең берсе шигъри җанлы булып чыкты.

“Әй, Өфем, матур калам,
Сиңа карап сокланам.
Бер вакытта да мин сине
Яратудан туктамам” – дип язган ул.

Айсылуга бу адым ошады булса кирәк. “Тырышкан. Мин бит үзем дә тумышым белән Өфедән”, - дип елмайды җырчы.

Егетләр, “Кияү анкетасы” тутырганда игътибарлы булыгыз! Айсылуга хаталы язган егетләр бөтенләй ошамый. 

Айсылу Габдинова анкеталарны укып, очрашырга теләгән берничә егетне сайлады. Күзгә-күз карашып аралашу ничек узар? Тиздән билгеле булачак, “Интертат”ны укып барыгыз. Проект дәвам итә, катнашырга теләүче егетләр үзләре хакында мәгълүмат җибәрә ала.  



  Без Инстаграмда

Фикерләр








Шоу-бизнес

"Мәшәкать бүләк итәм", "Романтик аш белән сыйлыйм", "Ураза тотам". Шоу-бизнес вәкилләре гашыйклар көнендә сөйгәннәрен ничек куандыра?

Бүген "Изге Валентин көне" - гашыйклар көне билгеләп үтелә. Кемдер өчен ул бәйрәм, кемдер өчен сөйгәннәрен тагын бер тапкыр искә ала торган көн, ә кайберәүләр аны бөтенләй кире кага.“Интертат” шоу-бизнес өлкәсендәгеләрнең фикерләрен туплады.

Шоу-бизнес

Тәслимә Низами: “Мин бит бер генә дә нота белмим, мин – тумыштан талантлы кеше”

Татарстанның атказанган артисты, шагыйрә, күренекле композитор, журналист Тәслимә Низами Татарстан Милли китапханәсенең Зур уку залында үзенең “Җырым белән керәм күңелеңә” дип исемләнгән иҗат кичәсен үткәрде. Анда ул үзен, беренче чиратта, шагыйрә буларак тәкъдим итте һәм, әлбәттә, тамашачы яратып өлгергән җырларын да башкарды. “Татар-информ” хәбәрчесенә ул хәзер нинди темаларга иҗат иткәнен, Иван белән булган мөнәсәбәтләре турында сөйләде һәм укучыларга төпле киңәшләрен бирде.

Шоу-бизнес

Айваз Садыйров радио тамашачыларын "Макдоналдс" системасы буенча сыйлый: "Продукт күп булмагач, тамашачыга да җиңел!"

Танылу ирекне чиклиме яисә, киресенчә, ярдәм итәме? Әлеге сорау белән мин “Татар радиосы”ның баш мөхәррире Айваз Садыйровка мөрәҗәгать иттем. Танылмаган шәхес түгел, шулай бит? Тугызынчы сыйныфта укыганда ул беренче интернет-радиостанция ача. Бүгенге көнне дә татар радиолары арасында беренчеләрдән булган радионы җитәкли. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла