Сайлауның якынча нәтиҗәләре: Владимир Путинга 70 проценттан артык сайлаучы тавыш биргән

18 март 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Бүген ил халкы Россия президентын сайлады. Әлегә сәгатькә билгеле булган мәгълүматлар буенча, сайлауда Владимир Путин җиңеп чыкты. Әлегә эшкәртелгән бюллетеньнардан чыгып нәтиҗә ясәгәндә, Россиянең хәзерге президентына 70 проценттан артык сайлаучы тавыш биргән.
Үзәк сайлау комиссиясе хәбәр итүенчә, участок сайлау комиссияләренең 25,03 процентыннан килгән мәгълүматлар буенча, Владимир Путин 72,53% тавыш җыйган.

Калган кандидатларга бирелгән тавышлар түбәндәгечә:

Павел Грудинин (КПРФ) - 15,9%;

Владимир Жириновский (ЛДПР) - 6,95%;

Ксения Собчак ("Гражданская инициатива) - 1,39%;

Григорий Явлинский ("Яблоко") - 0,77%;

Максим Сурайкин ("Коммунисты России") - 0,61%;

Борис Титов (Партия роста) - 0,6%, 

Сергей Бабурин (Российский общенародный союз) - 0,62%.

Грудинин 2012 елда Геннадий Зюгановка караганда азрак тавыш җыйган (17,7%). Жириновский узган сайлауда 6,2% тавыш җыеп, дүртенче урында иде.

Иң актив һәм иң пассив сайлаучылар кайсы төбәкләрдә яши?

Россиядә  59,9% сайлаучы тавыш биргән. 

Татарстанда 69,2%, Чечняда 81,1%, Брянскида 72,5%, Төньяк Осетиядә 75,4%, Тывада 83,4%, Башкортстанда - 64,8%, Кабарда-Балкар республикасында 83,3%, Дагыстанда 72%, Ингушетиядә 70,9%, Карачай-Черкес республикасында 73,3%, Мордовиядә 70,01%, Марий Элда 60,2%, Кырымда  63,9% сайлаучы тавыш биргән. 

Сайлаучылар тавыш бирүдә пассив катнашкан Россия төбәкләре:

Тверь өлкәсе (51,7%); Түбән Новгород өлкәсе (52,4%); Мәскәү (52,7%); Санкт-Петербург (55.5%); Омск (55,6%); Пермь крае - (57,1%); Курган (57,0%); Әстерхан өлкәсе - (53%); Иваново өлкәсе (53.3%)

Татарстанда Россия президентын сайлау нәтиҗәләре


Экзит-пол - сайлау участокларында сайлаучылардан сораштыру нәтиҗәләре буенча, Татарстанда Владимир Путин 80,9% тавыш җыйган. Икенче урында Павел Грудинин (10,1%), өченче – Владимир Жириновский (4,5%). Ксения Собчак 1,6%, Григорий Явлинский – 0,9%, Сергей Бабурин – 0,4%, Борис Титов – 0,4%, Максим Сурайкин – 0,3 % тавыш җыйган, 0,9% кандидат бюллетеньне бозуы турында әйткән. КФУ каршындагы иҗтимагый-сәяси һәм этноконфессиональ мәсьәләләр буенча эксперт советы җаваплы секретаре Андрей Большаков әйтүенчә, 13,5 мең кешенең фикерен сораштырганнар. 

Рөстәм Миңнеханов: Без көчле Россия һәм көчле Татарстан өчен!


Татарстан Президенты Рөстәм Миңнеханов Татарстан халкына сайлауларда катнашуы өчен рәхмәтләрен җиткерде. “Гражданлык позициягез өчен рәхмәт сезгә”, - диде ул сайлаучылар өчен оештырылган “Мин тавыш бирдем” шәһәр концерты сәхнәсеннән.

“Бүген илебезнең иң әһәмиятле сайлаулары узды – без Россия Президентын сайладык. Бу бик катлаулы зур процесс, бу - сайлау комиссиясе, күзәтүчеләр, иң мөһиме – сайлаучылар. Республикада бу процесс бик уңышлы узды. Без көчле Россия һәм көчле Татарстан өчен! Без сезнең белән киләчәгебезне сайладык! Сезгә бик зур рәхмәт! Уңышлар сезгә! Бергә булыйк!” - диде Президент.

Президент сәхнәгә Салават Фәтхетдинов чыгышыннан соң чыкты һәм сәламләү сүзләреннән соң тамашачылар янына төшеп Валерий Меладзе чыгышын тамаша кылды. 

Бик салкын көн булуга карамастан, "Казан Арена" алдындагы мәйданга меңләгән кеше җыелган иде.

Конституция буенча, Россия президенты 6 елга сайлана. Барлык саннар да шушы сәгатькә.


  Без Инстаграмда

Фикерләр








Сәясәт

"Дәүләт Советында татар телен укыту мәсьәләләрен яклаучы көчле төркем барлыкка килергә мөмкин"

КФУның политология кафедрасы доценты, сәясәт фәннәре кандидаты Эльмира Авзалова "Татар-информ" агентлыгына интервьюсында "Бердәм Россия" партиясенең праймеризы нәтиҗәләре нинди үзгәрешләргә китерергә мөмкин икәнлеген фаразлады.

Сәясәт

"Без стратегияне хисап өчен түгел, үзебез өчен язабыз!" Васил Шәйхразиев һәр татар кешесен милли үсеш стратегиясен төзүдә актив булырга өнди

2018 елда Татарстан Президенты Рөстәм Миңнеханов үз юлламасында Бөтендөнья татар конгрессына Татар халкының үсеш стратегиясен кабул итү максатын куйды. Конгресс, үз чиратында, әлеге эшкә Татарстан Фәннәр академиясенең Тарих институтын, Тел, әдәбият һәм сәнгать институтын һәм Бөтендөнья татар яшьләре форумын җәлеп итте. Әлеге эшче төркемнәр Татар халкының үсеш стратегиясенә тәкъдимнәрен җиткерде һәм аларны бер эскиз итеп туплады. Шушы көннәрдә эскиз татар җәмәгатьчелегенә тәкъдим ителде, хәзер аның буенча фикер алышулар бара.

Сәясәт

Татар халкының үсеш стратегиясе нинди булырга тиеш - Васил Шәйхразиев күзаллавы

Быел гыйнварда Татарстан районнарында, ә февральдән Россия төбәкләрендә Татар халкының үсеш стратегиясе буенча халык белән фикерләшү башланачак. Татарстан Республикасының премьер-министры урынбасары, Милли Шура рәисе әлеге стратегиянең нинди булырга тиешлеге турында фикерләре белән уртаклаша.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла