"Казахстанда тугандаш Татарстанга аеруча караш". Нурсолтан Назарбаев 13 елдан соң кабат Казанга килде

16 июнь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлнар ГАРИФУЛЛИНА, ТР Президентының матбугат хезмәте материаллары файдаланылды
Фото: Рамил Гали, ТР Президентының матбугат хезмәте
Кичә Казахстан Президенты Нурсолтан Назарбаев Казанда булды. Аның Татарстанга 13 ел килгәне юк иде.

"Казахларның татарлар белән тарихи тамырлары уртак"

Казахстан Президенты Татарстанда беренче рәсми сүзен татарча сәләмләүдән башлады: "Хәерле көн, кадерле дуслар!"  "Казахстанда тугандаш Татарстанга аеруча караш, бу безнең татарлар белән тарихи тамырлар, традицияләр уртак булуы белән бәйле. Безгә аралашуда тәрҗемәче кирәкми. Безне гомумтөрки мирас берләштерә", - диде Казахстан Президенты Нурсолтан Назарбаев Казан федераль университетында Казахстаннан килгән студентлар һәм университет җитәкчелеге белән очрашуы вакытында.  Казахстан башлыгы уртак тамырларның Төрки каганат, Алтын Урда, Казан ханлыгы чорларына барып тоташуын искәртте. 19 гасыр азагы - 20 гасыр башында Татарстанда казах газеталары һәм журналлары, китаплары нәшер ителүен, татар язучылары, галимнәренең казахлар тормышы турында әдәби әсәрләр язуда актив катнашканын билгеләп үтте. "Октябрь революциясенә кадәр, Казанда казах телендә 434 китап чыгарылган. Аларның тиражы 2 млн данәгә кадәр җиткән", - диде ул. 

Нурсолтан Назарбаев опера җырчысы Ришат Абдуллин, маэстро Фоат Мансуров һәм башка шәхесләрнең иҗатында Казахстанның тәэсире турында әйтте. Ул Казахстанда Габдулла Тукай иҗатына багышланган музей да булганын искә төшерде. "Безнең халыклар арасында тарихи багланышлар Казахстан һәм Татарстанның тыгыз хезмәттәшлегенә ныклы җирлек булды. Казахстанда 250 мең кешелек татар диаспорасы моңа өлешен кертә", - диде ул.

Встреча Президента Республики Казахстан Назарбаева Н.А. и Президента Республики Татарстан Минниханова Р.Н. в расширенном составе.

"Астана, Алма-Ата һәм Казан арасында икътисади багланышлар киңәя"

Казахстан Президенты Астана, Алма-Ата һәм Казанның партнер шәһәрләр булуын искәртте. "Сәүдә-икътисади мөнәсәбәтләр игътибарга лаек, алар киңәя. Без машина төзү, нефть химиясе өлкәсендә проектларны гамәлгә ашырабыз", - диде ул. Чагыштыру өчен, 1992 ел, СССР таркалган вакытларны искә төшерде. "Кибет киштәләре буш, халыкка эш хакы, пенсия түләргә акча юк иде. 25 ел узды, бу вакыт эчендә икътисад 20 тапкыр көчәйде. Бу елларда күпне кичерергә туры килде. Икътисадны торгызу саллы көч сорады", - дип искә алды Казахстан Президенты.

Нурсолтан Назарбаев Казахстан һәм Татарстан арасында фән өлкәсендә актив элемтәләр урнашканын билгеләп узды. "Казахстанның Татарстанның 14 вузы белән партнерлык мөнәсәбәтләре гамәлдә. Цифрлаштыру һәм фәнни революция дәверендә без икътисад һәм җәмгыятьнең кардиналь үзгәреше шаһитлары. Безнең илләр мондый яңалыкларга адекват җавап бирергә тиеш", - диде ул.

Встреча Президента Республики Казахстан Назарбаева Н.А. и Президента Республики Татарстан Минниханова Р.Н. в расширенном составе.

"Казан - Европаның иң яхшы шәһәрләренең берсе"

“Мин Казанда 13 ел булмадым. Шәһәр бик нык үзгәргән. Ул Европаның иң яхшы шәһәрләренең берсе кебек. Минем Астана бар, Европаның теләсә кайсы шәһәренә барсам да, тизрәк кайтасым килә. Миңа анда бар да иске кебек тоела. Бездә барысы да ялтырый. Россиянең иң яхшы шәһәрләренең берсе Казан да шулай ялтырый”, - диде Назарбаев.

Казахстан Президенты Татарстан Президенты Рөстәм Миңнеханов белән очрашуда Казанның Россиянең чын спорт башкаласы булуын билгеләп үтте.

"Татарстан - Россиянең иң уңышлы төбәкләренең берсе"

“Россия Федерациясе – ул аның төбәкләре. Татарстан бүген Россиянең үсеш алган һәм уңышлы төбәкләренең берсе. Икътисад, инновацияләр, мәгариф һәм башка мәсьәләләр буенча да алдынгы. Санкцияләр аркасында сезнең икътисад үсә. Сез ел саен үсешкә ирешәсез. Россиянең бөтен төбәге дә хәзер алай булдыра алмый. Россия белән уртак үзара мөнәсәбәтләр буенча Татарстан әйдәп баручы урыннарның берсен били”, - дип билгеләп үтте Казахстан Президенты.

"Казахстанда өч тел укытыла - казах, рус, инглиз телләре"

“Безнең илдә кеше капиталын үстерү, зыялы милләт формалаштыру юнәлешендә зур эш башкарыла”, - диде Казахстан җитәкчесеКазан федераль университетында очрашуда . Нурсолтан Назарбаев фикеренчә, белемгә юл бүген бик мөһим. “Һәр казах мәгарифнең иң фундаменталь фактор булуын аңларга тиеш дип саныйбыз. Казахстанда мәгариф системасының барлык баскычларында өч тел – казах, рус, инглиз телләре укытыла" Бу хакта Назарбаев әйтте.Мәгариф системасының барлык дәрәҗәләрендә өч тел өйрәнәләр. Барлык мәктәпләрдә казах, рус һәм мәҗбүри инглиз теле укытыла”, - диде ул.

Казахстан Президенты IT-технологияләргә зур өстенлек бирелүен билгеләп узды. “Илнең барлык гомуми белем бирү мәктәпләрендә IT-технологияләрне кертү дәүләт сәясәтендә башкарыла торган эш. Төбәкләрдә 20 интеллектуаль мәктәп төзелде, анда илнең иң талантлы балалары эләгә”, - диде.

Нурсолтан Назарбаев, инновацион үсеш ихтыяҗларын исәпкә алып, техник белем инфраструктурасы камилләштерелгәнен әйтте. “Дәүләт кешегә производствода беренче һөнәрне бушлай бирергә карар итте. Гомумән, өч төр квалификация алу турында сүз бара. Бездә эшсез йөреп тә булмый, чөнки кешеләр җитми, безгә билгеле бер профессия кешеләре җитеп бетми”, - диде Президент.

Нурсолтан Назарбаев югары белем өлкәсендә дөньяви дәрәҗәдәге университетларга зур өметләр баглавын әйтте. “Университетларда эшләү өчен, дөньяның иң яхшы университетларыннан мөгаллимнәр чакырыла”, - диде һәм аларда белем алу өчен Россиядән дә студентларны чакырды.

"Болгар Ислам Академиясендә Казахстан вәкилләре дә белем алачак"

Нурсолтан Назарбаев Татарстан Республикасы Дәүләт Киңәшчесе, Татарстан Республикасы Тарих һәм мәдәният һәйкәлләрен торгызу буенча республика фондының Попечительләр Советы Рәисе Минтимер Шәймиев белән очрашты һәм Болгар ислам академиясе белән хезмәттәшлек турында кызыксынды. Ул Академиядә укуга Казахстан ислам нәзарәте вәкилләре дә җибәреләчәген әйтте.


Фикерләр








Сәясәт

“Татар телен һәм мәдәниятен саклап калырга кирәк”. Татарстан Республикасы Конституциясе көне уңаеннан сораштыру

6 ноябрь Татарстанда Конституция кабул ителгән көн. Конституция - төп закон. Бүгенге шартларда аның әһәмияте нинди? Конституциядә иң мөһим маддә дип кайсын атар идегез? Әлеге уңайдан “Интертат” фән һәм җәмәгать эшлеклеләренең фикерләрен сорашты. 

Сәясәт

Дәүләт Киңәшчесеннән "Ихлас күңелдән": Минтимер Шәймиевнең китабы тәкъдим ителде

Татарстан Республикасы Дәүләт Киңәшчесе, ЮНЕСКО илчесе Минтимер Шәймиевның эшчәнлеге, тормышына багышланган "Ихлас күңелдән" басмасы Казан Кремлендә киң җәмәгатьчелеккә тәкъдим ителде. "Интертат" басманың үзенчәлеге һәм Минтимер Шәрип улы хакында дөнькүләм белгечләрнең нинди фикердә булуы хакында мәгълүматлар туплады.

Сәясәт

"Бу мәсьәләләрне безнең өчен беркем чишмәячәк". Татарстан Президенты туган телләрне укыту юнәлешендә бурычларны билгеләде

Бүген Татарстан Президенты Рөстәм Миңнеханов туган телләрне укыту мәсьәләсендә мәгариф системасы алдында бурычларны билгеләде. Бу хакта ул Кукмара муниципаль районында Татарстан мәгариф һәм фән хезмәткәрләренең республикакүләм август киңәшмәсенең пленар утырышында ясаган чыгышында сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла