عَنْ عَائِشَةَ : أَنَّ رَسُولَ اللهِ صلى الله عليه وسلم قَالَ: «إِذَا نَعَسَ أَحَدُكُمْ وَهُوَ يُصَلِّي فَلْيَرْقُدْ حَتَّى يَذْهَبَ عَنْهُ النَّوْمُ، فَإِنَّ أَحَدَكُمْ إِذَا صَلَّى وَهُوَ نَاعِسٌ لَا يَدْرِي لَعَلَّهُ يَسْتَغْفِرُ ‌فَيَسُبُّ ‌نَفْسَهُ

Гайшә (Аллаһ аннан разый булсын) риваять итә:

Пәйгамбәребез саллләллаһу галәйһи вә сәлләм болай диде:

— Әгәр дә сездән кем дә булса намаз укыганда йокыга тала башласа — көч җыеп алганчыга хәтле йоклап алсын. Чөнки йокылы килеш намаз укыган кеше нәрсә әйткәнен аңламый, һәм ул, бәлки, Аллаһтан гафу үтенәм дип уйлап, үз-үзен каһәрли башларга мөмкин.

Сахих әл-Бохари, 212; Сахих Мөслим, 786

Бу хәдис — намазда аң-сәламәтлекнең әһәмиятен ассызыклый. Гыйбадәт йөрәктән, аңлы рәвештә булырга тиеш. Кеше арыган хәлдә намазга керешсә, ул Пәйгамбәребез салләллаһу гәләйһи вә сәлләм кисәткәнчә, хәтта үзенә зыян да китерергә мөмкин. Шуңа күрә, ихласлык һәм аңлап башкарылган гыйбадәт — аз булса да, кабул булу ягыннан өстенрәк.

https://t.me/tathadisler