Сүрәне Камил хәзрәт Сәмигуллин укый (гарәпчә)

Сүрә тәфсирен Илдар Кыямов укый

Рәхимле һәм шәфкатьле Аллаһ исеме белән!

1. [Расүлем!] Без синең [дәгъват кылу кебек вазифаны күтәрә алуың өчен] күкрәгеңне киңәйтмәдекме?

2. Һәм синнән авыр йөгеңне алмадыкмы?

3. Ул бит аркаңны баскан иде.

4. Без синең исемеңне күтәрдек. [Шул сәбәпле, кәлимәи шаһадәт, азан, камәт, хотбә, тәхият кебек бик күп җирдә Минем белән бергә телгә алынасың].

5. Һичшиксез, [чиккән һәр] авырлыктан соң җиңеллек бар.

6. Һичшиксез, авырлыктан соң җиңеллек бар.

7. Шулай булгач, [ирештерү һәм намаз кебек вазифаларыңнан] бушаган чагыңда [игелек кылырга] тырыш.

8. Һәм Раббыңа омтыл.