Сүрәне Камил хәзрәт Сәмигуллин укый (гарәпчә)

Сүрә тәфсирен Илдар Кыямов укый

Рәхимле һәм шәфкатьле Аллаһ исеме белән!

1. Артта яманлаучы һәм йөзгә карап мыскыл итүче [Әхнәс ибне Шүрәйк, Үбәй ибне Хәләф кебек] һәр [кяфер] кемсәгә ни үкенеч!

2. Ул күп мал җыйган да шуны кат-кат саный.

3. Ул малы аны [дөньяда] мәңге кылачак дип саный.

4. Юк! Ул [ыргытылган һәрнәрсәне тар-мар иткән] Хутәмәгә ыргытылачак.

5. Хутәмәнең ни икәнен син каян белә аласың?

6. Аллаһның кабызган уты.

7. Ул [ут кеше гәүдәсендәге бөтен әгъзаларны ашап бетереп, иң азакта] йөрәкләргә кадәр үтәчәк.

8. Һичшиксез, ул [ут, эченә һич һава кермәслек һәм аннан бер тавыш чыкмаслык шәкелдә] аларның өсләрендә булачак.

9. Сузылган баганалар эчендә [куллары һәм аяклары зынҗыр һәм богаулар белән кат-кат богауланачак].